EISHOMO 47
Oyeteekateekire Kubatizibwa?
Omu kwega Baibuli obaasize kumanya bingi ebirikukwata ahari Yehova. Obundi haine empinduka ezi okozire kubaasa kugyendera aha bi oyegire. Kwonka, nihabaasa kuba hariho ekirikukuremesa kwehayo ahari Yehova kandi okabatizibwa. Omu ishomo eri nooza kureeba ebirikukira kuremesa abantu kuhika aha kubatizibwa, n’oku orikubaasa kubisingura.
1. Oine kuba noomanya birikwingana ki kubaasa kubatizibwa?
Kubaasa kubatizibwa, oine kuba ‘noomanya amazima’ agahikire. (1 Timoseo 2:4) Eki tikirikumanyisa ngu oine kuba noomanya eky’okugarukamu kya buri kibuuzo ekirikukwata ahari Baibuli, kubaasa kubatizibwa. Nangwa n’Abakristaayo abamazire obwire babatiziibwe nibagumizamu nibeega. (Abakolosai 1:9, 10) Kwonka oine kuba noomanya enyegyesa za Baibuli enkuru. Abareeberezi b’ekibiina nibaija kukuhwera kureeba yaaba noomanya ebirikumara.
2. Oine kukora ki kubaasa kuhika aha kubatizibwa?
Otakabatiziibwe, oine ‘kweteisa’ kandi ‘okahinduka.’ (Shoma Ebyakozirwe 3:19.) Eki nikimanyisa ngu nooyehurira kubi ahabw’ebibi byona ebi waakozire, kandi nooshaba Yehova kukusaasira. Noomariirira kutakora ebibi, kandi noogumizamu nootwaza omu muringo ogurikumushemeza. Ekindi, nootandika kwejumba omu ntebeekanisa z’ekibiina orikuza omu nteerane, kandi orikubuurira n’ekibiina nk’omubuurizi otabatiziibwe.
3. Ahabw’enki otashemereire kuremesibwa okutiina?
Abamwe nibatiina ngu nibaija kuremwa kukora ebi barikuraganisa Yehova. Buzima, obumwe noija kukora enshobe, nk’abashaija n’abakazi abeesigwa abarikugambwaho omu Baibuli. Kwonka Yehova tarikuteekateeka ngu abaheereza be baine kuba abahikiriire hati. (Shoma Zaaburi 103:13, 14.) Nikimushemeza waateeraho kukora ekihikire! Naija kukuhwera. Nangwa, Yehova naatuhamiza ngu tihaine ‘ekirikubaasa kututaanisa n’okukunda [kwe].’—Shoma Abarooma 8:38, 39.
SHWIJUMA GYE
Reeba oku orikubaasa kusingura ebirikukira kuremesa abantu kubatizibwa, orikuteeraho kumanya gye Yehova, kandi okaikiriza n’obuhwezi bwe.
4. Teeraho kumanya gye Yehova
Otakabatiziibwe oine kuba noomanya Yehova kirikwingana ki? Oine kumumanya gye ekirikumara, kubaasa kumukunda n’okwenda kumushemeza. Zaana VIDIYO kubaasa kureeba oku abeegi ba Baibuli omu nsi yoona babaasize kukikora. Bwanyima ogarukyemu ekibuuzo ekirikukurataho.
-
Niki ekyahweraire abarikworekwa omu vidiyo kwetebeekanisiza okubatizibwa?
Shoma Abarooma 12:2, kubaasa kugarukamu ebibuuzo ebi:
-
Mbwenu shi hariho enyegyesa za Baibuli ezi orikubangaanisaho, nari torikuhamya yaaba Abajurizi ba Yehova nibeegyesa amazima?
-
Ku kiraabe nikwo kiri, noija kukora ki?
5. Singura ebirikubaasa kukuremesa kubatizibwa
Boona abarikucwamu kwehayo ahari Yehova kandi bakabatizibwa, nibahikwaho embeera zigumire. Kubaasa kureeba eky’okureeberaho, zaana VIDIYO, bwanyima ogarukyemu ebibuuzo ebirikukurataho.
-
Omu vidiyo, Narangerel akaba aine kusingura buremeezi ki kubaasa kuheereza Yehova?
-
Okukunda Yehova kukamuhwera kuta kusingura oburemeezi obwo?
Shoma Enfumu 29:25 na 2 Timoseo 1:7, kubaasa kugarukamu ekibuuzo eki:
-
Nitwiha nkahi obumanzi bw’okusingura oburemeezi?
6. Yesigye Yehova kukuhwera
Yehova naija kukuhwera kumushemeza. Zaana VIDIYO, kubaasa kugarukamu ebibuuzo ebirikukurataho.
-
Omu vidiyo, ahabw’enki omwegi wa Baibuli yaabaire naatimwimwa kubatizibwa?
-
Akeega ki ekyamuhweraire kwongyera kwesiga Yehova?
Shoma Isaaya 41:10, 13, kubaasa kugarukamu ekibuuzo eki:
-
Ahabw’enki orikubaasa kuhamya ngu waayehayo noija kuhikiiriza okuragaanisa kwawe?
7. Yongyera kusiima rukundo ei Yehova akwiniire
Waateekateeka munonga ahari rukundo mpango ei Yehova akwiniire, noija kwongyera kumusiima, kandi noija kwenda kumuheereza ebiro byona. Shoma Zaaburi 40:5, kubaasa kugarukamu ekibuuzo eki:
-
Ni migisha ki kuruga ahari Yehova ei orikumusiimira munonga?
Nabi Yeremia akaba naakunda Yehova n’ekigambo kye, kandi akasiima munonga omugisha gw’okwetererwa eiziina rye. Akagira ati: “Ebigambo byawe bikaboneka, naabirya, byambeera okushemererwa, n’okunanuka kw’omu mutima ahabw’okuba niinyetererwa eiziina ryawe, [ai Yehova] Ruhanga.” (Yeremia 15:16) Garukamu ebibuuzo ebi:
-
Ahabw’enki guri omugisha gw’omutaano kuba omwe aha Bajurizi ba Yehova?
-
Nooyenda kubatizibwa kuba omwe aha Bajurizi ba Yehova?
-
Hariho ekintu kyona ekirikukuremesa kubatizibwa?
-
Noogira ngu oine kukora ki kubaasa kuhika aha kigyendererwa kyawe ky’okubatizibwa?
ABAMWE NIBAGIRA NGU: “Tindikuhamya ngu nimbaasa kuhikiiriza obujunaanizibwa bw’okubatizibwa.”
-
Naiwe nikwo orikwehurira otyo?
OMU BUGUFU
Yehova yaakuhwera, noobaasa kusingura byona ebirikukuremesa kubatizibwa.
Okweijutsya
-
Oine kuba noomanya birikwingana ki omu Baibuli kubaasa kubatizibwa?
-
Nikibaasa kukwetengyesa kukora mpinduka ki otakabatiziibwe?
-
Ahabw’enki otaine kwikiriza okutiina kukuremesa kubatizibwa?
JUMBURA EBINDI
Yetegyereze eki oine kwihiriraho kucwamu kubatizibwa.
“Nyeteekateekire Kubatizibwa?” (Omunaara gw’Omurinzi, Maaci 2020)
Manya oku orikubaasa kusingura oburemeezi obumwe oburikubaasa kukuremesa kubatizibwa.
“Ekirikunzibira Kubatizibwa Niki?” (Omunaara gw’Omurinzi, Maaci 2019)
Reeba oku omushaija omwe yaasingwire oburemeezi bw’amaani kubaasa kubatizibwa.
Omu kubanza, Ataa akaba naatimwimwa kubatizibwa. Reeba ekyamuhamiize, reero akacwamu kubatizibwa.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
