Baibuli Neeyegyesa Ki?
Mbwenu shi ediini ekatandikwaho abantu?
ABAMWE NIBAIKIRIZA ngu ediini ekatandikwaho abantu, kandi abandi nibateekateeka ngu Ruhanga naakoresa ediini kuhwera abantu kumwirira haihi. Iwe nooteekateeka ki?
EKI BAIBULI ERIKWEGYESA
Hariho “ediini eshemeire etaine kamogo omu maisho ga Ruhanga Isheboona.” (Yakobo 1:27) Ediini eshemeire, nari ey’amazima neeruga ahari Ruhanga.
EKINDI EKI TURIKWEGA OMU BAIBULI
Ediini kubaasa kushemeza Ruhanga, enyegyesa zaayo zishemereire kuba nizeegamira aha mazima g’omu Baibuli.—Yohaana 4:23, 24.
Ediini ezirikwegamira aha biteekateeko by’abantu nizihendekyera busha.—Mako 7:7, 8.
Nikyetengyesa kuba ori omu diini?
NOOBAASA KUGARUKAMU OTA?
Eego
Ngaaha
Nikirugiirira
EKI BAIBULI ERIKWEGYESA
“Ka tuteekateekye oku twakwezirikisana kukundana n’okukora ebirungi, tutarikureka kuteeranira hamwe.” (Abaheburaayo 10:24, 25) Ruhanga naayenda ngu abarikumuramya bateeranire hamwe batebeekanisiibwe gye.
EKINDI EKI TURIKWEGA OMU BAIBULI
Abo abarikuramya Ruhanga hamwe, bashemereire kuba baine enyikiriza zirikushushana.—1 Abakorinso 1:10, 11.
Abari omu diini ei Ruhanga arikusiima nibeetana ab’eishe-emwe omu nsi yoona.—1 Petero 2:17.
Noobaasa Kukunda n'Ebi
OMUNAARA GW'OMURINZI
Hariho Ediini Ei Orikubaasa Kwesiga?
Ediini yaawe ekakureebya? Ku kiraabe nikwo kiri, nikibaasa kukugumira kugira ediini ei waayesiga. Okwega Baibuli nikubaasa kukuhwera kuta?
