ਪਾਠ 36

ਹਰ ਗੱਲ ਵਿਚ ਈਮਾਨਦਾਰ ਰਹੋ

ਚਲਾਓ

ਹਰ ਕੋਈ ਚਾਹੁੰਦਾ ਹੈ ਕਿ ਉਸ ਦੇ ਦੋਸਤ ਈਮਾਨਦਾਰ ਹੋਣ। ਯਹੋਵਾਹ ਵੀ ਆਪਣੇ ਦੋਸਤਾਂ ਤੋਂ ਇਹੀ ਚਾਹੁੰਦਾ ਹੈ। ਪਰ ਇਸ ਦੁਨੀਆਂ ਵਿਚ ਈਮਾਨਦਾਰ ਰਹਿਣਾ ਸੌਖਾ ਨਹੀਂ ਹੈ ਕਿਉਂਕਿ ਬਹੁਤ ਸਾਰੇ ਲੋਕ ਬੇਈਮਾਨ ਹਨ। ਫਿਰ ਵੀ ਸਾਰੀਆਂ ਗੱਲਾਂ ਵਿਚ ਈਮਾਨਦਾਰ ਰਹਿਣ ਦੇ ਕੀ ਫ਼ਾਇਦੇ ਹਨ?

1. ਈਮਾਨਦਾਰ ਰਹਿਣ ਦਾ ਸਭ ਤੋਂ ਵੱਡਾ ਕਾਰਨ ਕੀ ਹੈ?

ਜਦੋਂ ਅਸੀਂ ਦੂਸਰਿਆਂ ਨਾਲ ਈਮਾਨਦਾਰੀ ਨਾਲ ਪੇਸ਼ ਆਉਂਦੇ ਹਾਂ, ਤਾਂ ਅਸੀਂ ਦਿਖਾਉਂਦੇ ਹਾਂ ਕਿ ਅਸੀਂ ਯਹੋਵਾਹ ਨੂੰ ਪਿਆਰ ਕਰਦੇ ਅਤੇ ਉਸ ਦਾ ਆਦਰ ਕਰਦੇ ਹਾਂ। ਯਹੋਵਾਹ ਜਾਣਦਾ ਹੈ ਕਿ ਅਸੀਂ ਕੀ ਸੋਚਦੇ ਅਤੇ ਕੀ ਕਰਦੇ ਹਾਂ। (ਇਬਰਾਨੀਆਂ 4:13) ਜਦੋਂ ਉਹ ਦੇਖਦਾ ਹੈ ਕਿ ਅਸੀਂ ਹਰ ਹਾਲ ਵਿਚ ਈਮਾਨਦਾਰ ਰਹਿੰਦੇ ਹਾਂ, ਤਾਂ ਉਸ ਨੂੰ ਬਹੁਤ ਖ਼ੁਸ਼ੀ ਹੁੰਦੀ ਹੈ। ਉਸ ਦੇ ਬਚਨ ਵਿਚ ਲਿਖਿਆ ਹੈ: “ਯਹੋਵਾਹ ਨੂੰ ਚਾਲਬਾਜ਼ ਇਨਸਾਨ ਤੋਂ ਘਿਣ ਆਉਂਦੀ ਹੈ, ਪਰ ਨੇਕ ਇਨਸਾਨਾਂ ਨਾਲ ਉਸ ਦੀ ਗੂੜ੍ਹੀ ਦੋਸਤੀ ਹੈ।”—ਕਹਾਉਤਾਂ 3:32.

2. ਰੋਜ਼ਮੱਰਾ ਦੀ ਜ਼ਿੰਦਗੀ ਵਿਚ ਅਸੀਂ ਕਿਵੇਂ ਦਿਖਾ ਸਕਦੇ ਹਾਂ ਕਿ ਅਸੀਂ ਈਮਾਨਦਾਰ ਹਾਂ?

ਯਹੋਵਾਹ ਚਾਹੁੰਦਾ ਹੈ ਕਿ ਅਸੀਂ ‘ਇਕ-ਦੂਜੇ ਨਾਲ ਸੱਚ ਬੋਲੀਏ।’ (ਜ਼ਕਰਯਾਹ 8:16, 17) ਇਸ ਦਾ ਮਤਲਬ ਹੈ ਕਿ ਅਸੀਂ ਆਪਣੇ ਘਰਦਿਆਂ, ਆਪਣੇ ਨਾਲ ਕੰਮ ਕਰਨ ਵਾਲਿਆਂ, ਮਸੀਹੀ ਭੈਣਾਂ-ਭਰਾਵਾਂ ਅਤੇ ਸਰਕਾਰੀ ਅਧਿਕਾਰੀਆਂ ਨਾਲ ਗੱਲ ਕਰਦੇ ਵੇਲੇ ਝੂਠ ਨਾ ਬੋਲੀਏ ਤੇ ਨਾ ਹੀ ਉਨ੍ਹਾਂ ਨੂੰ ਧੋਖੇ ਵਿਚ ਰੱਖੀਏ। ਈਮਾਨਦਾਰ ਲੋਕ ਨਾ ਕਦੇ ਚੋਰੀ ਕਰਦੇ ਅਤੇ ਨਾ ਹੀ ਠੱਗੀ ਕਰਦੇ ਹਨ। (ਕਹਾਉਤਾਂ 24:28 ਅਤੇ ਅਫ਼ਸੀਆਂ 4:28 ਪੜ੍ਹੋ।) ਇਸ ਤੋਂ ਇਲਾਵਾ, ਉਹ ਸਰਕਾਰ ਵੱਲੋਂ ਮੰਗਿਆ ਟੈਕਸ ਵੀ ਭਰਦੇ ਹਨ। (ਰੋਮੀਆਂ 13:5-7) ਇਨ੍ਹਾਂ ਕੁਝ ਤਰੀਕਿਆਂ ਰਾਹੀਂ ਅਸੀਂ ਦਿਖਾਉਂਦੇ ਹਾਂ ਕਿ ਅਸੀਂ ‘ਹਰ ਗੱਲ ਵਿਚ ਈਮਾਨਦਾਰੀ ਤੋਂ ਕੰਮ ਲੈਂਦੇ ਹਾਂ।’—ਇਬਰਾਨੀਆਂ 13:18.

3. ਈਮਾਨਦਾਰ ਰਹਿਣ ਦੇ ਕੀ ਫ਼ਾਇਦੇ ਹੁੰਦੇ ਹਨ?

ਜਦੋਂ ਅਸੀਂ ਹਮੇਸ਼ਾ ਈਮਾਨਦਾਰ ਰਹਿੰਦੇ ਹਾਂ, ਤਾਂ ਲੋਕ ਸਾਡੇ ʼਤੇ ਭਰੋਸਾ ਕਰਦੇ ਹਨ। ਮੰਡਲੀ ਵਿਚ ਵੀ ਭੈਣ-ਭਰਾ ਸਾਡੇ ʼਤੇ ਭਰੋਸਾ ਕਰਦੇ ਹਨ ਜਿਸ ਕਰਕੇ ਸਾਡੇ ਵਿਚ ਪਰਿਵਾਰ ਵਰਗਾ ਮਾਹੌਲ ਬਣਿਆ ਰਹਿੰਦਾ ਹੈ। ਈਮਾਨਦਾਰ ਰਹਿਣ ਨਾਲ ਸਾਡੀ ਜ਼ਮੀਰ ਸਾਫ਼ ਰਹਿੰਦੀ ਹੈ। ਇੰਨਾ ਹੀ ਨਹੀਂ, ‘ਅਸੀਂ ਆਪਣੇ ਮੁਕਤੀਦਾਤੇ ਪਰਮੇਸ਼ੁਰ ਦੀ ਸਿੱਖਿਆ ਦੀ ਸ਼ੋਭਾ ਵਧਾਉਂਦੇ ਹਾਂ’ ਤੇ ਸਾਡੀ ਈਮਾਨਦਾਰੀ ਦੇਖ ਕੇ ਲੋਕ ਯਹੋਵਾਹ ਵੱਲ ਖਿੱਚੇ ਆਉਂਦੇ ਹਨ।—ਤੀਤੁਸ 2:10.

ਹੋਰ ਸਿੱਖੋ

ਜਦੋਂ ਤੁਸੀਂ ਈਮਾਨਦਾਰ ਰਹਿੰਦੇ ਹੋ, ਤਾਂ ਯਹੋਵਾਹ ਨੂੰ ਕਿੱਦਾਂ ਲੱਗਦਾ ਹੈ? ਇਸ ਤੋਂ ਤੁਹਾਨੂੰ ਕੀ ਫ਼ਾਇਦੇ ਹੁੰਦੇ ਹਨ? ਤੁਸੀਂ ਕਿਨ੍ਹਾਂ ਮਾਮਲਿਆਂ ਵਿਚ ਈਮਾਨਦਾਰ ਰਹਿ ਸਕਦੇ ਹੋ? ਆਓ ਜਾਣੀਏ।

4. ਤੁਹਾਡੀ ਈਮਾਨਦਾਰੀ ਦੇਖ ਕੇ ਯਹੋਵਾਹ ਖ਼ੁਸ਼ ਹੁੰਦਾ ਹੈ

ਜ਼ਬੂਰ 44:21 ਅਤੇ ਮਲਾਕੀ 3:16 ਪੜ੍ਹੋ। ਫਿਰ ਇਨ੍ਹਾਂ ਸਵਾਲਾਂ ʼਤੇ ਚਰਚਾ ਕਰੋ:

ਇਹ ਸੋਚਣਾ ਗ਼ਲਤ ਕਿਉਂ ਹੋਵੇਗਾ ਕਿ ਸੱਚ ਲੁਕਾਇਆ ਜਾ ਸਕਦਾ ਹੈ?
ਜਦੋਂ ਅਸੀਂ ਔਖੇ ਹਾਲਾਤਾਂ ਵਿਚ ਵੀ ਸੱਚ ਬੋਲਦੇ ਹਾਂ, ਤਾਂ ਯਹੋਵਾਹ ਨੂੰ ਕਿੱਦਾਂ ਲੱਗਦਾ ਹੈ?

ਜਦੋਂ ਬੱਚੇ ਸੱਚ ਬੋਲਦੇ ਹਨ, ਤਾਂ ਮਾਂ-ਬਾਪ ਨੂੰ ਖ਼ੁਸ਼ੀ ਹੁੰਦੀ ਹੈ। ਜਦੋਂ ਅਸੀਂ ਸੱਚ ਬੋਲਦੇ ਹਾਂ, ਤਾਂ ਯਹੋਵਾਹ ਨੂੰ ਖ਼ੁਸ਼ੀ ਹੁੰਦੀ ਹੈ

5. ਹਰ ਹਾਲ ਵਿਚ ਈਮਾਨਦਾਰ ਰਹੋ

ਬਹੁਤ ਸਾਰੇ ਲੋਕਾਂ ਨੂੰ ਲੱਗਦਾ ਹੈ ਕਿ ਹਮੇਸ਼ਾ ਈਮਾਨਦਾਰ ਨਹੀਂ ਰਿਹਾ ਜਾ ਸਕਦਾ। ਪਰ ਆਓ ਦੇਖੀਏ ਕਿ ਸਾਨੂੰ ਹਰ ਹਾਲ ਵਿਚ ਈਮਾਨਦਾਰ ਕਿਉਂ ਰਹਿਣਾ ਚਾਹੀਦਾ ਹੈ। ਵੀਡੀਓ ਦੇਖੋ।

ਵੀਡੀਓ: ਖ਼ੁਸ਼ੀ ਕਿਵੇਂ ਮਿਲਦੀ ਹੈ?—ਸਾਫ਼ ਜ਼ਮੀਰ (2:32)

ਇਬਰਾਨੀਆਂ 13:18 ਪੜ੍ਹੋ। ਫਿਰ ਚਰਚਾ ਕਰੋ ਕਿ ਅਸੀਂ ਇਨ੍ਹਾਂ ਮਾਮਲਿਆਂ ਵਿਚ ਕਿਵੇਂ ਈਮਾਨਦਾਰ ਰਹਿ ਸਕਦੇ ਹਾਂ . . .

ਆਪਣੇ ਘਰਦਿਆਂ ਨਾਲ।
ਕੰਮ ਦੀ ਥਾਂ ʼਤੇ ਜਾਂ ਸਕੂਲ ਵਿਚ।
ਹੋਰ ਹਾਲਾਤਾਂ ਵਿਚ।

6. ਈਮਾਨਦਾਰ ਰਹਿਣ ਦਾ ਫ਼ਾਇਦਾ ਹੈ

ਹੋ ਸਕਦਾ ਹੈ ਕਿ ਈਮਾਨਦਾਰ ਰਹਿਣ ਕਰਕੇ ਸਾਨੂੰ ਕਦੇ-ਕਦੇ ਮੁਸ਼ਕਲਾਂ ਸਹਿਣੀਆਂ ਪੈਣ। ਪਰ ਈਮਾਨਦਾਰ ਰਹਿਣ ਨਾਲ ਹਮੇਸ਼ਾ ਫ਼ਾਇਦਾ ਹੁੰਦਾ ਹੈ। ਜ਼ਬੂਰ 34:12-16 ਪੜ੍ਹੋ। ਫਿਰ ਇਸ ਸਵਾਲ ʼਤੇ ਚਰਚਾ ਕਰੋ: