Sim gata?
Sim gata te ningerau le lashe viesti le phralentsa?
Shai aves gata te ningeres o suato makar chi avesas boldo te avela ke...
... chi mekes te estudis e Biblia, te rhugis ai te chides tu suako kurko le phralentsa.
... pakias ai si tuke pala so sikios, ai kames te des duma pa godo avrentsa.
... kames ka o Jehova ai rodes amiguria kai kamen les.
... meklian te aves anda iek religion kai nai chachi ai anda le organizasionuria kai thon partia kal amperetsii.
... thos ande kiro traio le zakonuria le Devleske ai kames te aves marturo le Jehovaske.
Te avela gindis ke san gata te ningeres o suato le phralentsa, de duma le manushesa kai sikavel tu ai vo si te del duma le phurentsa pa tute. Polme si te kidenpe te den duma tusa.
Sim gata te boldiuvau?
San gata te boldios te avela ke...
... gata ningeres le lashe viesti le phralentsa makar chi san boldo.
... chi mekes ai thos tutar te ningeres le lashe viesti.
... azhutis ka “o sluga chacho ai kai dikhel mai inkial” ai mekes te ningerel tu (Mateo 24:45-47, NWT).
... shinadian kiro traio ka o Jehova ando rhugimos ai kames te luvudis les siempre.
Te avela gindis ke san gata te boldios, de duma le manushesa kai sikavel tu ai vo si te del duma le phurentsa pa tute. Polme si te kidenpe te den duma tusa.
