Ni izihe mpamvu ebyiri zituma Imana idasubiza amasengesho amwe n’amwe?
Icyo Bibiliya ibivugaho
Hari amasengesho Imana idasubiza. Dore impamvu ebyiri zishobora gutuma Imana yirengagiza isengesho.
1. Isengesho ridahuje n’ibyo Imana ishaka
Imana ntisubiza amasengesho adahuje n’ibyo ishaka cyangwa ibyo idusaba biboneka muri Bibiliya (1 Yohana 5:14). Urugero, Imana idusaba kwirinda umururumba, kandi gukina urusimbi biteza imbere umururumba (1 Abakorinto 6:9, 10). Ku bw’ibyo, Imana ntishobora gusubiza isengesho uyitura uyisaba gutsinda muri tombola. Imana si wa muntu duhamagara uko twishakiye kugira ngo akore ibyo dushaka byose. Kandi rwose twagombye kwishimira ko Imana idateye ityo. Bitagenze bityo, twahora dufite ubwoba bw’ibintu bibi abantu bashobora kudusabira ku Mana.—Yakobo 4:3.
2. Mu gihe umuntu asenga agakora n’ibikorwa bibi
Imana ntiyumva amasengesho y’inkozi z’ibibi. Urugero, Imana yabwiye abantu bihandagazaga bavuga ko bayikorera ariko bagakora n’ibikorwa bibi, iti “nubwo muvuga amasengesho menshi sinyumva, kuko ibiganza byanyu byuzuye amaraso” (Yesaya 1:15). Ariko iyo baza guhindura imyifatire yabo kandi ‘bakanoza imishyikirano bafitanye’ n’Imana, yari kumva amasengesho yabo.—Yesaya 1:18.
Ibindi wamenya
UMUNARA W’UMURINZI
Kuki hari amasengesho Imana idasubiza?
Bibiliya itubwira amasengesho Imana isubiza n’ayo idasubiza.
IBIBAZO BISHINGIYE KURI BIBILIYA
Ni iki nasaba mu isengesho?
Menya impamvu Imana yita ku bibazo bya buri muntu.
UMUNARA W’UMURINZI
Ese Imana isubiza amasengesho yose? Ese hari uburyo bwihariye tugomba kwifata igihe dusenga?
Ese Imana itega amatwi isengesho ryawe kandi ikarisubiza?
UMUNARA W’UMURINZI
Wakora iki ngo Imana yumve amasengesho yawe?
Ushobora gusenga igihe icyo ari cyo cyose n’aho waba uri hose. Waba uvuga mu ijwi ryumvikana cyangwa bucece. Yesu yatwigishije icyo twagombye gusenga dusaba.
INYIGISHO Z'IBANZE ZO MURI BIBILIYA
Ese Imana yumva amasengesho yose?
Ese Imana yumva amasengesho arangwa n’ubwikunde? Ese Imana yumva amasengesho y’umugabo utoteza umugore we, hanyuma agasenga Yehova amusaba kumuha umugisha?
