Sanyo, Ammajje 13, 2023, Ameerikaho Dhibbu Gargarooshshinna Ittiso Mereershi, Ameerikaho heedhanno wedellooti surrete fayyimmansa ma deerrira nooro kultanno rippoorte fushshino. Tini rippoorte kultanno garinni, layinki dirimi rosaano giddo xibbunni 40 anga ale ikkitannori yaadaameeyyenna dadillaamma ikkitino.

 “Saihu 10 diri giddo wedellootaho surrete fayyimma ajjanni dagginoti egennantinote; kayinni xaa yannara shiimaaddu seenni albinni roore surrete fayyimma hoogino, qoleno insaneeto shaate hedanno hattono woˈnaalanno.”—CDC Wedellootunna Rosu Mini Fayyimma Goli Sooreette Dokter Kaatliin Itiyeri.

 Tini rippoorte kultanno garinni:

•   10 wedellu seenni giddo mitte (xibbunni 14 anga) hasidhukkinni siimu xaadooshshe assitanno gede giddeessinoonnise. Dokter Itiyeri togo yitino: “Kuni lowo geeshsha masisanno coyeeti! Egentinoonniri 10 seenni giddo ajayi ajeenna mitte woy hakkuyi ale ikkitannore giddeessine bushiinshoonni.”

•   Sase seenni giddo mitte (xibbunni 30 anga) iseneeto shaate hedde egentino.

•   Onte seenni giddo 3 (xibbunni 57 anga) lowo geeshsha yaaddanno woy hexxo mudhitanno.

 Tini rippoorte kultannori lowo geeshsha dadillisannoreeti. Wonaatiro wedellimma hagiidhinanninna burraanqanni yannaati. Wedellootu yaachishannonsa coye qeelanno gede kaaˈlannonsari maati? Qullaawu Maxaafi mayyaanno?

Qullaawu Maxaafi wedellootaho danchare amaalanno

 Qullaawu Maxaafi tini heeˈnoommo yanna yaachishannori batiˈrannota ikkitinota xawise kulanno. Tenne yanna “qarrissanno yanna” yinoonnihu iseraati. (2 Ximootewoosi 3:1-5) Ikkollana, Qullaawu Maxaafi aannoti kaajja amaale alamete aana lowo miliyoone ikkanno wedellooti iillannonsa qarra qeele saˈˈanno gede kaaˈlitanni no. Hanni aante noota Qullaawu Maxaafi aana xintantino birxichuwa lai.

•   Heeshsho Giwissinoehalla Ikki?

•   Aneneeto Shaate Hedanni Noommoha Ikkiro Qullaawu Maxaafi Kaaˈlannoe?

•   Ma Assiˈrayi Heeˈreemmo?

•   Quwa Saˈino Yaaddo Gargadha Dandeemmohu Hiittoonniiti?

•   Busha Bushare Heda Agurate Maa Asso?

•   Yaaddo Gargadha Dandeemmohu Hiittoonniiti?

•   Dadillenna Yaaddo Gargadha Dandeemmohu Hiittoonniiti?

•   Dadille Qeelle Hagiirraamo Ikka (waajju saleedi viidiyo)

•   Wolqa Roorroommo Yitannori Waadduero Maa Asso?

•   Interneetete Widoo Bala Tungiero Maa Asso?

•   Wolqa Roorroommo Yite Qarrissannore Ganamittokki Qeela Dandaatto (waajju saleedi viidiyo)

•   Seyattannore Gargadha Dandeemmahu Hiittoonniiti?

•   Seyattannori Daafira Maa Afa Hasiissannoe?—Gafa 1: Balaxe Qoropha

•   Seyattannori Daafira Maa Afa Hasiissannoe?—Gafa 2: Beedho Afiˈra

Qullaawu Maxaafi annuwahonna amuuwaho dancha amaale aanno

 Qullaawu Maxaafi annuwahonna amuuwahono dancha amaale aanno; insa tenne amaale harunsite wedellootu oosonsa iillannonsa qarra qeeltanno gede kaaˈla dandiitanno. Aante noota Qullaawu Maxaafi aana xintantino birxichuwa lai.

•   Quwa Saˈino Yaaddonna Wedelloota—Kora Ikkinorenna Mala

•   Wedellitte Beettoˈne Yaaddo Gargadhitanno Gede Kaaˈla

•   Qaaqqoˈya Wolqa Roorroommo Yitannori Waaddinosiha Ikkirona?

•   Biso Madiissidhanno Wedelloota Kaaˈla

•   Oosonna Dagoomittete Miidiya—Gafa 1: Qaaqqiˈya Dagoomittete Miidiya Horoonsiˈra Hasiissannosi?

•   Oosonna Dagoomittete Miidiya—Gafa 2: Wedellootu Dagoomittete Miidiya Gawajjannokki Garinni Horoonsidhanno Gede Qajeelsa

•   Oosonna Mobayile Silke—Gafa 1: Qaaqqiˈyara Mobayile Hasiissannosi?

•   Oosonna Mobayile Silke—Gafa 2: Ooso Mobayile Amanyootunni Horoonsidhanno Gara Qajeelsa

•   Oosoˈne Ledo Sekistingete Daafira Hasaawa Dandiitinanni Gara