Qullaawaho yaa battetewiinni keeraaˈminoho woy baxxinoho yaate. “Qullaawa” yine tirroonnihu Ibiraawootu Afii qaali “addiha” yitanno tiro afiˈrino qaali butukooti. Konni daafira, qullaawu coyi xalalanna keeraancho ikkino daafira kaˈnirira horoonsiˈnanni coyiwiinni baxxinoho woy addiho yaate.

 Qullaambete taalle nookkihu Maganoho. Qullaawu Maxaafi, “Kaaliiqa, [“Yihowa,” Haaro Alame Tiro] ate gedeehu qullaawu . . . dino” yaanno. a (1 Saamueeli 2:2) Konni daafira, qullaawa ikkino coyi daafira seera fushshate qoosso noosihu Maganoho.

 Maganu ledo xaadooshshe afiˈrino coye baalanka, roorenkanni iso magansiˈrate bandoonni coye “qullaawaho” yaa dandiinanni. Lawishshaho, Qullaawu Maxaafi konni woroonni noore qullaawa coyibba kulanno:

•   Qullaawa darga: Maganu buwanno citi mule Musera togo yiino: “Uurrootto dargi [qullaawaho].”—Fulo 3:2-5.

•   Qullaawa gambooshshe: Hundi Israeele yannate kiiro Yihowa magansiˈrate “qullaawa xaado” assidhanno.—Leewaawoota 23:37.

•   Qullaawa uduunne: Hunda Yerusaalamete Qullaawa Mine Magano magansiˈrate horoonsiˈnanni uduunne “qullaawa uduunne” yinoonni. (1 Mootoolla 8:4) Israeele konne qullaawa uduunne horonta magansiˈra hasiissannonsakkiha ikkirono, qorowe ayirrinyunni amada hasiissannonsa. b

 Ee, dandaanno. Maganu Kiristaana, “Ani qullaawa ikkoommonte gede, kiˈneno qullaawoota ikke!” yee hajajino. (1 Pheexiroosi 1:16) Hige guuta ikkinokki manni qullaawa Maganu seera woˈmunni woˈma wonshe diafanno. Ikkirono, xalala Maganu seera wonshanno manni ‘Magano hagiirsiisanna qullaawa’ ikke kiirama dandaanno. (Roomu Sokka 12:1) Qullaawa ikka hasiˈranno manchi coyiˈranno coyinninna assootisinni qullaawa ikkate sharramanno. Lawishshaho, togoo manchi ‘qullaawoota ikkineemmo gedenna foorretewiinni xeertiˈneemmo gede’ hattono “heeshshoˈne baalatenni qullaawoota ikke” yee Qullaawu Maxaafi aannonke amaale harunsanno.—1 Teselonqe 4:3; 1 Pheexiroosi 1:15.

 Ee. Mittu manchi Maganunniha amanyootu seera facci asse aguriha ikkiro, hakku manchi xaate Maganu albaanni qullaawa diˈˈikkino. Lawishshaho, Ibiraawootu maxaafa borreessinoonnihu ‘qullaawu manniraati’; ikkirono insa “heeshshote Maganiwiinni badannohu bushunna ammanannokki wodani [heeˈrannonsakki] gede” qorophitara amaalloonni.—Ibiraawoota 3:1, 12.

 Soˈrote hedo: Adhaminokki manni roore qullaawaho.

 Halaale: Mittu Kiristaanchi hasiˈriro adhamikki heeˈra dandaannoha ikkirono, adhaminokki daafira calla Maganu albaanni qullaawa ikkanno yaa diˈˈikkino. Seenne adhinokkihu woy mine assiˈrinokki manni hedonsa billaallitukki Maganoho soqqama dandaannoti egennantinote. (1 Qorontoosi 7:32-34) Ikkollana, adhantinorino qullaawoota ikka dandiitannota Qullaawu Maxaafi buuxisanno. Yesuusi soqqamaasine giddo ajayi ajeenna mittu seenne adhinoho; hakkuno Pheexiroosiiti.—Maatewoosi 8:14; 1 Qorontoosi 9:5.