MËSIMI 32
Mbretëria e Perëndisë po qeveris!
Mbretëria e Perëndisë filloi të qeveriste në qiell në vitin 1914. Në të njëjtën kohë filluan edhe ditët e fundit të qeverisjes nga njerëzit. Nga e dimë këtë? Le të shohim çfarë paratha Bibla për këtë vit dhe çfarë ka ndodhur me kushtet botërore e me njerëzit që nga ajo kohë.
1. Çfarë tregojnë profecitë e Biblës?
Libri i Danielit paratha se Mbretëria e Perëndisë do të fillonte të qeveriste në fund të një periudhe që quhet «shtatë kohë». (Danieli 4:16, 17) Shekuj më vonë, Jezui iu referua së njëjtës periudhë si «kohët e caktuara të kombeve» dhe tregoi se, në kohën e tij, kjo periudhë vazhdonte ende. (Luka 21:24) Siç do ta shohim, shtatë kohët mbaruan në vitin 1914.
2. Çfarë ka ndodhur me kushtet botërore dhe me njerëzit që nga viti 1914?
Dishepujt e pyetën Jezuin: «Kur do të ndodhin këto gjëra dhe cila do të jetë shenja e pranisë sate dhe e përfundimit të sistemit?» (Mateu 24:3) Jezui u përgjigj duke parathënë shumë ngjarje që do të ndodhnin pasi të bëhej Mbret i Mbretërisë së Perëndisë në qiell. Disa prej tyre janë luftërat, mungesa e ushqimit dhe tërmetet. (Lexo Mateun 24:7.) Bibla paratha edhe se sjellja e njerëzve «në ditët e fundit» do ta bënte jetën ‘të vështirë për t’u përballuar’. (2 Timoteut 3:1-5) Të gjitha këto janë bërë edhe më të dukshme që nga viti 1914.
3. Pse bota është katandisur kaq keq pasi filloi të qeveriste Mbretëria e Perëndisë?
Fill pasi u bë Mbret i Mbretërisë së Perëndisë, Jezui luftoi në qiell kundër Satanait dhe demonëve. Satanai e humbi luftën. Bibla tregon se «u hodh poshtë në tokë ai bashkë me engjëjt e tij». (Zbulesa 12:9, 10, 12) Satanai është i tërbuar, sepse e di që e pret shkatërrimi. Nga inati e ka mbushur botën me halle dhe vuajtje. Nuk është çudi që bota është katandisur si mos më keq! Megjithatë, Mbretëria e Perëndisë do të zgjidhë çdo problem.
SHQYRTO MË TEJ
Shqyrto nga e dimë se Mbretëria filloi të qeveriste në 1914-n dhe si lidhet kjo me jetën tonë.
4. Kronologjia e Biblës na çon te viti 1914
Me anë të një ëndrre, Perëndia i tregoi Nabukodonosorit, mbretit të Babilonisë së lashtë, çfarë do të ndodhte në të ardhmen. Kjo ëndërr profetike dhe shpjegimi që i bëri Danieli, lidheshin si me qeverisjen e Nabukodonosorit, edhe me atë të Mbretërisë së Perëndisë.—Lexoni Danielin 4:17. a
Lexoni Danielin 4:20-26 dhe më pas shihni figurat me përshkrimet përkatëse për t’iu përgjigjur këtyre pyetjeve:
-
(A) Çfarë pa në ëndërr Nabukodonosori?—Shih vargjet 20 dhe 21.
-
(B) Çfarë do t’i ndodhte pemës?—Shih vargun 23.
-
(C) Çfarë do të ndodhte në fund të ‘shtatë kohëve’?—Shih vargun 26.
Ç’lidhje ka mes Mbretërisë së Perëndisë dhe ëndrrës me pemën?
PROFECIA (Danieli 4:20-36)
Qeverisja
(A) Një pemë e stërmadhe
Qeverisja ndërpritet
(B) «Priteni pemën» dhe le «të kalojnë shtatë kohë»
Qeverisja rivendoset
(C) «Mbretëria do të bëhet përsëri jotja»
Plotësimi i parë i kësaj profecie . . .
-
(Ç) Kë përfaqësonte pema?—Shih vargun 22.
-
(D) Si u ndërpre qeverisja e tij?—Lexoni Danielin 4:29-33.
-
(DH) Çfarë ndodhi me Nabukodonosorin kur mbaruan ‘shtatë kohët’?—Lexoni Danielin 4:34-36.
PLOTËSIMI I PARË
Qeverisja
(Ç) Nabukodonosori, mbreti i Babilonisë
Qeverisja ndërpritet
(D) Diku pas vitit 606 p.e.s., Nabukodonosorit i ikën mendja dhe s’është në gjendje të mbretërojë për shtatë vjet
Qeverisja rivendoset
(DH) Nabukodonosorit i vjen mendja dhe fillon të qeverisë prapë
Plotësimi i dytë i kësaj profecie . . .
-
(E) Cilët përfaqëson pema?—Lexoni 1 Kronikave 29:23.
-
(Ë) Si u ndërpre mbretërimi i tyre? Nga e dimë se ky mbretërim ishte ende i ndërprerë kur Jezui ishte në tokë?—Lexoni Lukën 21:24.
-
(F) Kur dhe ku u rivendos ky mbretërim?
PLOTËSIMI I DYTË
Qeverisja
(E) Mbretërit izraelitë që përfaqësonin qeverisjen e Perëndisë
Qeverisja ndërpritet
(Ë) Jerusalemi shkatërrohet, dhe linja e mbretërve izraelitë ndërpritet për 2.520 vjet
Qeverisja rivendoset
(F) Jezui fillon të qeverisë në qiell si Mbret i Mbretërisë së Perëndisë
Sa zgjatën shtatë kohët?
Disa pjesë të Biblës na ndihmojnë të kuptojmë pjesë të tjera të saj. Për shembull, libri i Zbulesës tregon se tri kohë e gjysmë janë të barabarta me 1.260 ditë. (Zbulesa 12:6, 14) Shtatë kohë i bie të jenë dyfishi, pra 2.520 ditë. Ndonjëherë, në Bibël një ditë përfaqëson një vit. (Ezekieli 4:6) Kjo vlen edhe për shtatë kohët e përmendura te libri i Danielit. Pra, ato përfaqësojnë 2.520 vjet.
5. Bota ka ndryshuar rrënjësisht që nga viti 1914
Jezui paratha si do të ishte bota pasi të bëhej mbret. Lexoni Lukën 21:9-11 dhe më pas diskutoni për këtë pyetje:
-
Cilat nga këto gjëra ke parë ose ke dëgjuar të ndodhin?
Apostulli Pavël përshkroi si do të bëheshin njerëzit në ditët e fundit të sundimit njerëzor. Lexoni 2 Timoteut 3:1-5 dhe më pas diskutoni për këtë pyetje:
-
A janë bërë kështu njerëzit sot?
6. Për çfarë duhet të na motivojë fakti që Mbretëria e Perëndisë po qeveris?
Lexoni Mateun 24:3, 14 dhe më pas diskutoni për këto pyetje:
-
Cili aktivitet i rëndësishëm tregon se Mbretëria e Perëndisë po qeveris?
-
Si mund të ndihmosh për të çuar përpara këtë aktivitet?
Mbretëria e Perëndisë po qeveris, dhe është te pragu dita kur do të marrë në dorë qeverisjen e tokës. Lexoni Hebrenjve 10:24, 25 dhe më pas diskutoni për këtë pyetje:
-
Çfarë duhet të bëjë gjithsecili prej nesh ndërsa ‘sheh se dita po afrohet’?
DIKUSH MUND TË PYESË: «Pse janë kaq të fiksuar me vitin 1914 Dëshmitarët e Jehovait?»
-
Çfarë do t’i thoshe?
PËRMBLEDHJE
Profecitë dhe kronologjia e Biblës, si dhe kushtet botërore, vërtetojnë se Mbretëria e Perëndisë po qeveris. Tregojmë se e besojmë këtë kur marrim pjesë në veprën e predikimit dhe në mbledhjet e kongregacionit.
Si do të përgjigjeshe?
-
Çfarë ndodhi në fund të shtatë kohëve që u parathanë në librin e Danielit?
-
Çfarë të bind se Mbretëria e Perëndisë ka filluar të qeverisë në vitin 1914?
-
Si mund të tregosh se beson që Mbretëria po qeveris?
EKSPLORO
Shih çfarë thonë historianë dhe të tjerë për ndryshimet që ka pësuar bota që nga viti 1914.
«Rënie e befasishme e normave morale» (Zgjohuni!, prill 2007)
Lexo si ia ndryshoi jetën një burri profecia te Mateu 24:14.
«E doja bejzbollin më shumë se çdo gjë» (Kulla e Rojës nr. 3 2017)
Nga e dimë se profecia që gjendet te kapitulli 4 i Danielit zbatohet për Mbretërinë e Perëndisë?
«Kur filloi të qeveriste Mbretëria e Perëndisë? (Pjesa 1)» (Kulla e Rojës, 1 tetor 2014)
Çfarë tregon se ‘shtatë kohët’ që përmenden te kapitulli 4 i Danielit mbaruan në vitin 1914?
«Kur filloi të qeveriste Mbretëria e Perëndisë? (Pjesa 2)» (Kulla e Rojës, 1 nëntor 2014)
a Shih dy artikujt e fundit në pjesën Eksploro të këtij mësimi.