ʼMōpi oa rōna o qapile melao e laolang lenyalo khale pele mebuso e qala ho le laola. Buka ea pele ea Bibele e re: ‘Monna o tla siea ntat’ae le ’m’ae a khomarele mosali oa hae ’me e tla ba nama e le ’ngoe.’ (Genese 2:24) Ho ea ka Vine’s Expository Dictionary of Biblical Words, lentsoe la Seheberu bakeng sa “mosali,” le “bolela motho e motšehali.” Jesu o ile a tiisa hore ba tlamahaneng lenyalong e lokela ho ba “e motona le e motšehali.”—Matheu 19:4.

Kahoo, morero oa Molimo e ne e le hore lenyalo le tlamahanye monna le mosali setsoalleng se haufi. Monna le mosali ba bōpiloe ka tsela eo ba tlatsanang e le hore ba ka khotsofatsana maikutlong, ba kopanela liphate esita le ho ba le bana.