Je, Kucheza Kamari Ni Dhambi?
Jibu la Biblia
Ingawa Biblia haizungumzi kwa undani kuhusu kucheza kamari, tunapochunguza kanuni za Biblia tunaweza kuelewa kwamba Mungu huona kucheza kamari kuwa ni dhambi.—Waefeso 5:17. a
Kucheza kamari kunaongozwa na pupa, na Mungu anachukia pupa. (1 Wakorintho 6:9, 10; Waefeso 5:3, 5) Watu wanaocheza kamari wanatazamia kupata pesa wengine wanapopoteza, lakini Biblia inashutumu kutamani mali za wengine.—Kutoka 20:17; Waroma 7:7; 13:9, 10.
Kucheza kamari, hata kwa ajili ya pesa kidogo, kunaweza kuchochea tamaa mbaya ya pesa.—1 Timotheo 6:9, 10.
Mara nyingi wacheza kamari hutegemea ushirikina au bahati. Hata hivyo, Mungu huona imani kama hizo kuwa aina ya ibada ya sanamu, ambayo haipatani na ibada yake.—Isaya 65:11.
Badala ya kuchochea tamaa ya kupata kitu bila kutia jitihada, Biblia inatutia moyo tufanye kazi kwa bidii. (Mhubiri 2:24; Waefeso 4:28) Wale wanaofuata ushauri wa Biblia wanaweza ‘kula chakula ambacho wao wenyewe wamefanyia kazi.’—2 Wathesalonike 3:10, 12.
Kucheza kamari kunaweza kuchochea roho isiyofaa ya mashindano, jambo ambalo Biblia inashutumu.—Wagalatia 5:26.
a Mahali pekee ambapo kamari inatajwa kihususa katika Biblia ni kuhusiana na wanajeshi Waroma waliopiga kura kwa ajili ya mavazi ya Yesu.—Mathayo 27:35; Yohana 19:23, 24; Contemporary English Version; Good News Translation.
Huenda Ukapenda Pia
MAJIBU YA MASWALI YA BIBLIA
Matatizo ya Pesa na Madeni—Je, Biblia Inaweza Kukusaidia?
Pesa haziwezi kununua furaha, lakini kanuni nne za Biblia zinaweza kukusaidia utatue matatizo yako ya kifedha.
HABARI ZAIDI
Jinsi ya Kudhibiti Wasiwasi
Ni madokezo gani na mistari gani ya Biblia inayoweza kukusaidia kupunguza wasiwasi?
AMKENI!
Jinsi ya Kuepuka Kununua Vitu Kupita Kiasi
Fikiria madokezo sita yanayoweza kukusaidia kuepuka kununua vitu kupita kiasi.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.