“நான் ரொம்ப சோர்ந்துபோய் இருக்கும்போது பிராட்காஸ்டிங் பாடல்களை வைத்து யெகோவா என்னை பலப்படுத்துகிறார்.”—லோரின், அமெரிக்கா.

‘பக்திப்பாடல்களை’ பாடுவது யெகோவாவின் வணக்கத்தில் எப்போதுமே ஒரு முக்கிய பாகமாக இருந்திருக்கிறது. (கொலோ. 3:16) இந்தப் பாடல்களை நன்றாக மனப்பாடம் செய்துகொண்டால், பாட்டு புத்தகமோ மொபைல் ஃபோனோ இல்லாத சமயங்களில்கூட நம்மால் பாட முடியும். மனப்பாடம் செய்ய உங்களுக்கு சில டிப்ஸ்:

• பாடல் வரிகளைக் கவனமாக வாசித்து அவற்றின் அர்த்தத்தைப் புரிந்துகொள்ளுங்கள். ஒரு விஷயத்தை நன்றாக புரிந்துவைத்திருந்தால் அதை ஞாபகம் வைத்துக்கொள்வது சுலபம். சிறப்பு பாடல்கள்... குழந்தைகளுக்கான பாடல்கள்... என எல்லா பாடல்களின் வரிகளும் jw.org வெப்சைட்டில் இருக்கிறது. அதை பார்க்க, லைப்ரரி > இசை என்ற பகுதிக்குப் போங்கள்.

• பாடல் வரிகளை எழுதிப் பாருங்கள். எழுதிப் பார்ப்பது பாடல் வரிகளை மனதில் பதிய வைக்கும்.—உபா. 17:18.

• சத்தமாக பாடிப் பழகுங்கள். திரும்பத் திரும்ப பாடல் வரிகளைச் சத்தமாக வாசித்தோ பாடியோ பாருங்கள்.

• எந்த அளவுக்கு ஞாபகம் இருக்கிறது என்று பாருங்கள். பாடல் வரிகளைப் பார்க்காமல் பாடுங்கள். பிறகு, சரியாக பாடினீர்களா என்று வரிகளை வைத்துப் பாருங்கள்.