Baebele ya Reng ka Kgang Eno?
A go tla tsamaya go nna le kagiso mo lefatsheng?
O ne o ka reng?
Ee
Nnyaa
Gongwe
Se Baebele e se buang
Fa Jesu Keresete a busa, go tla nna le “letlotlo la kagiso go fitlha ngwedi e sa tlhole e le teng”—seo se raya gore kagiso e tla nnela ruri.—Pesalema 72:7.
Se gape re se ithutang mo Baebeleng
Batho ba ba bosula ba tla fedisiwa mme batho ba ba siameng “ba tla nna le boitumelo jo bogolo mo letlotlong la kagiso.”—Pesalema 37:10, 11.
Modimo o tla fedisa dintwa tsotlhe.—Pesalema 46:8, 9.
A go a kgonega go nna le kagiso ya mogopolo gompieno?
Batho bangwe ba dumela gore . . . fa fela lefatshe la rona le sa ntse le tletse ka go boga le tshiamololo, ga re kitla re nna le kagiso ya mogopolo. Wena o akanya eng?
Se Baebele e se buang
Tota le gompieno go a kgonega gore batho ba e leng ditsala tsa Modimo ba nne le “kagiso ya Modimo e e gaisang kakanyo yotlhe.”—Bafilipi 4:6, 7.
Se gape re se ithutang mo Baebeleng
Modimo o solofetsa gore o tla fedisa tshiamololo le dilo tsotlhe tse di dirang gore batho ba boge a bo a “dira dilo tsotlhe disha.”—Tshenolo 21:4, 5.
Re ka nna le kagiso ya mogopolo fa re nonotsha kamano ya rona le Modimo.—Mathaio 5:3.
Tse Dingwe Tse O ka Di Kgatlhegelang
TORA YA TEBELO
Ke ka Ntlha Yang Fa go Le Thata Gore go Nne le Kagiso mo Lefatsheng?
Le fa ba le bantsi ba dirile maiteko a magolo, batho ba paletswe ke go tlisa kagiso mo lefatsheng. Bona gore ke ka ntlha yang.
