Чоок кижиңерни чидирген силер бе? Ындыг берге өйде: «Өлүм соонда чүү болур? Чок апарган кижи-биле кажан-бир көржүп болур бис бе?» деп боданы бээр бис. Бо болгаш дараазында кичээлде ооң харыызын Бурганның Сөзүнден билип алыр бис.

1. Кижи өлген соонда чүү болурул?

Иисус өлүмнү ханы уйгуга дөмейлээн. Кижи удуп чыткаш, долгандыр чүү болуп турарын дыңнавас. Өлүмнү чүге уйгуга деңнеп болур? Өлген кижи чүнү-даа билбес, аарышкы-даа миннивес. Чок апарган кижи төрелдери, өңнүктери дээш сагыш човавас, дуза-даа кадып шыдавас. Ыдыктыг Бижилгеде: «Өлүглер чүнү-даа билбес» — деп бижээн. (Номчуптуңар: Экклесиаст 9:5.)

2. Өлген улустуң байдалын билири ажыктыг бе?

Дыка хөй улус өлүмден коргар! Ынчалза-даа Библиядан өлгеннерниң байдалын билиривис бисти оожургадып турар. Иисус: «Алыс... шын силерни хостуг кылып каар» — дээн (Иоанн 8:32). Чамдык шажыннар кижиде өлүм чок сүнезин бар деп өөредир. Библия ону деткивес. Өлген улус хинчектенип, бергедевейн турар база чүнү-даа билбес болганда, биске хора чедирип шыдавас. Ынчангаш чок апарган улуска мөгейип, оларны чемгерип, олар дээш мөргээн ажыы чок.

Чамдык улус өлген улус-биле харылзажып болур деп бүзүрээр. Ынчалза-даа ол болдунмас. Чок апарган улус чүнү-даа билбес деп көрдүвүс. Өлген улус-биле чугаалажыр бис дээр улус херек кырында аза-буктар-биле харылзажыр. Өлген улустуң байдалын билири бисти буктардан камгалаар. Буктар-биле харылзаа дыка айыылдыг деп, Иегова билир болгаш, бисти камгалап, олар-биле харылзажырындан оваарындырып турар. (Номчуптуңар: Ыдыктыг хоойлуну катаптааны 18:10—12.)

3. Өлген улустуң дугайында шын

Өлүмге хамаарыштыр аңгы-аңгы чоннарда кандыг-даа бодалдар бар. Ол бүгүнүң чамдыызы шын эвес болгай.

• Чурттап турар чериңерде улус чүү чүвеге бүзүреп турарыл?

 4. Өлүм дугайында шынны билири чүге ажыктыг?

Өлүм дугайында шынны билири оон кортпазынга дузалаар. Экклесиаст 9:10-ну номчааш, харыылаптыңар:

• Өлген улус биске хора чедирип шыдаар бе?

Библейжи алыс шын меге өөредиглерден камгалаар. Өлген улусту чемгерери, оларга чүдүүрү шын эвес. Исайя 8:19 биле Ажыдыышкын 4:11-ни номчааш, харыылаптыңар:

• Чок апарган улустан дуза дилеп, мөгеер улуска Иегованың хамаарылгазы кандыгыл?

5. Өлүм дугайында шын оожургадыр

Кижи өлген соонда бачыды дээш хилинчектенир деп өөредиг бар. Ынчалза-даа аар бачыт кылып чораан улус безин өлген соонда, хилинчектенмес деп билири өөрүнчүг! Римчилерге 6:7-ни номчааш, айтырыгга харыылаптыңар:

• Кижи өлгеш, бачыттарындан адырлыр деп, Библия чугаалаан. Ындыг болганда өлген кижи бачыттары дээш, кажан-бир харыы тудар бе?

Иегова өлген кижилерни хилинчектевес. Бурганны эки билген тудум, бүзүрелиңер улам быжыгар. Ыдыктыг хоойлуну катаптааны 32:4 биле 1 Иоанн 4:8-ти номчааш, харыылаптыңар:

• Ындыг кайгамчык шынарларлыг Бурган өлген кижилерни хилинчектээр бе?

• Өлген улустуң байдалының дугайында шынны билири оожургалды эккээр бе? Чүге?

 КОЛ БОДАЛ

Кижи өлүрге, ооң чуртталгазы төнүп каар. Өлген улус хилинчектенмес, дириг улуска хора чедирип шыдавас.

Катаптаашкын

• Өлүм соонда чүү болуп турар?

• Өлүм дугайында шынны билири чүге ажыктыг?

• Өлүм дугайында шынны билири бисти чүге оожургадып турар?