КИЧЭЭЛ 15
Иисус дээрге кымыл?
Иисус төөгүде эң-не билдингир кижилерниң бирээзи. Чамдык улус ооң чүгле адын билир. Колдуунда Иисустуң дугайында кижилерниң бодалдары аңгы-аңгы, а Библияда чүү дээнил?
1. Иисус дээрге кымыл?
Иисус — күчү-күштүг ангел. Ол Бурган-биле кады дээрде чурттап турар. Иисус Иегова Бурганның бир дугаар чаяалгазы. Ынчангаш Библияда ону «бүгү чаяалгазының бажында эң улуг Оглу» — дээн (Колосчуларга 1:15). Иисусту оон ыңай Бурганның «эр чаңгыс Оглу» деп адаан, чүге дизе Бурган ону кымның-даа киржилгези чокка чаяаган (Иоанн 3:16). Арткан бүгү чүвени чаяарда, Иисус Иеговага дузалажып, кады ажылдажып чораан. (Номчуптуңар: Чугаалар 8:30.) Иисус биле Иегова аразында дыка чоок хамаарылгалыг. Ол Бурганны төлээлеп, Ооң Сөзүн болгаш айтыышкыннарын өске бараалгакчыларга дамчыдып турган (Иоанн 1:14).
2. Иисус черге чүү дээш келген?
2 000 чыл бурунгаар Иегова ыдыктыг сүлдези-биле Иисустуң чуртталгазын иудей кыс Марияның иштинче көжүрүпкен. Ол хуулгаазынның ачызында Иисус кижилерни камгалаар дээш, черге кижи бооп төрүттүнүп келген. (Номчуптуңар: Лука 1:34, 35.) Шак ынчалдыр ол Библияда өттүр көрүп медеглээни чагдырткан Чагырыкчы, азы Христос, апарган a. Ол медеглелдерниң күүсеттингенин көргеш, кижилер Иисусту «дириг Бурганның Оглу» деп билип каан (Матфей 16:16).
3. Иисус ам кайда?
Иисустуң кижи чуртталгазы доозулган соонда, Бурган ону дээрже диргизип аппарган. «Бурган Ону эң бедик туруш-байдалче көдүргеш», аңаа бедик эрге-дужаалды берген (Филипчилерге 2:9). Ам Иисус Иегованың соонда ийи дугаар улуг эрге-чагыргалыг.
ХАНЫ ШИНЧИЛЕҢЕР
Иисустуң дугайында шын болгаш ханы билиглерниң чугулазын билип алыр силер.
4. Иисус Бурган эвес
Иисусту Библияда күчүлүг ангел дээн-даа болза, ол бодунуң Бурганы Иеговага чагыртып турар. Ону кайыын билир бис? ВИДЕОНУ көргеш, Иисус — Күчүлүг Бурган эвес деп Библияда канчаар көргүскенин билип алыңар.
Иегова биле Иисустуң туруш-байдалын билип алырынга дузалаар шүлүктерни номчааш, айтырыгларга харыылаптыңар.
Лука 1:30—32-ни номчуптуңар.
-
Күчүлүг Бурганга хамаарыштыр Иисустуң кым болурунуң дугайында ангел чүү дээнил?
Матфей 3:16, 17-ни номчуптуңар.
-
Иисус сугга суктуруп турда, дээрден үн чүү дээнил?
-
Ол кымның үнү болганыл?
Иоанн 14:28-ти номчуптуңар.
-
Өг-бүледе кымның эргези улуг: оглунуң бе азы адазының бе?
-
Иисустуң Иегованы Адам деп адааны бисти чүү чүвеге өөредип турар?
Иоанн 12:49-ту номчуптуңар.
-
Иисус бодун Адазы-биле дең кылдыр санап турган бе? А силер чүү деп бодаар силер?
5. Иисус — чагдырткан Чагырыкчы деп бадыткалдар
Бурганның кижи төрелгетенни камгалаар дээш, шилип алганы Чагырыкчызын тодарадырынга дузалаар өттүр билген медеглелдер Библияда хөй. Иисуска кандыг медеглелдер күүсеттингенин ВИДЕОДАН көрүңер.
Ол медеглелдерни номчааш, айтырыгларга харыылаптыңар.
Чагдырткан Чагырыкчының каяа төрүттүнгенин b билип алыр дээш, Михей 5:2-ни номчуптуңар.
-
Ол өттүр билген медеглел Иисуска күүсеттинген бе? (Матфей 2:1).
Чагдырткан Чагырыкчының канчаар өлгенин Ырлар 33:21 биле Захария 12:10-ну номчааш, тодаргай билип алыңар.
-
Ол өттүр билген медеглелдер күүсеттинген бе? (Иоанн 19:33—37).
-
Чүү деп бодаар силер, Иисус ол медеглелдерже салдар чедирип шыдаар турган бе?
-
Ол чүүл Иисусту чагдырткан Чагырыкчы деп бадыткап турар бе?
6. Иисусту эки билир улуска шаңнал
Бурганның күзел-соруунга Иисустуң киржилгезин билип алырының чугулазын Библия көргүскен. Иоанн 14:6 биле 17:3-тү номчааш, харыылаптыңар:
-
Иисустуң дугайында билип алыры чүге чугула?
Бурган-биле найыралдың оруун ажыдып, алыс шынга Иисус өөреткен. Ооң ачызында мөңге чурттаар аргалыг бис
ЧАМДЫК УЛУС МЫНЧА ДЕП БОЛУР: «Иегованың Херечилери Иисуска бүзүревес».
-
А силер чүү деп харыылаар силер?
КОЛ БОДАЛ
Иисус — күчүлүг дээрниң төлээзи. Ол Бурганның Оглу, чагдырткан Чагырыкчы.
Катаптаашкын
-
Иисусту чүге «бүгү чаяалганың бажында эң улуг Оглу» деп адааныл?
-
Иисус черге келириниң мурнунда чүнү кылып турган?
-
Иисусту чагдырткан Чагырыкчы деп кайыын билир бис?
НЕМЕЛДЕ
Иисус — шилиттинген Чагырыкчы деп бадыткалдарны номчуп көрүңер.
«Чагдырткан Чагырыкчыга хамаарышкан медеглелдер Иисуска күүсеттинген бе?» (веб-статья)
Бурган Иисустуң дорт уткалыг Адазы деп, Библия өөредип турар бе?
Троица дугайында өөредиг Библейжи эвес. Чүге?
«Иисус Христос Бурган бе?» («Таңныыл суургазы» апрель 1, 2009 чыл)
Бир херээжен кижи Библиядан Иисустуң дугайында билип алырга, чуртталгазы канчаар өскерли берген?
«Еврей херээжен кижи чүдүлгезинче көрүжүн чүге өскерткенил?» («Оттуп келиңер!» май, 2013 чыл)
a 26, 27 дугаар кичээлдерде кижилерге чүге камгалал херегин база Иисус бисти канчаар камгалаанын тайылбырлап турар.
b Чагдырткан Чагырыкчының черге келир үезин 2 дугаар немелде материалда сайгарып турар.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
