Белен мен бе?
Чыыш-биле суртаалдаарынга белен мен бе?
Сугга суктурбаан суртаалчы болурунга херек базымнар:
үргүлчү Библияны өөренип, мөргүп, чыыштарже баар;
билип алган билиглериңерге бүзүреп, ону үнелеп, өске улуска ол билиглерни чугаалаар күзелиңер бар;
Иеговага ынак база чоок эштер кылдыр Аңаа ынак улусту шилип алыр;
кандыг-бир политиктиг азы шажын-чүдүлге организацияның кежигүнү болбас;
Иегованың негелделеринге дүүштүр чурттаар, Иегованың Херечизи болур күзелиңер бар.
Чыыш-биле суртаалдаарынга белен мен деп санап турар болзуңарза, башкыңар силерни удуртукчулар-биле ужураштырар. Олар силерниң кайы хире белениңерни көөр.
Сугга суктурарынга белен мен бе?
Сугга суктурарынга херек базымнар:
сугга суктурбаан суртаалчы болур;
болдунар шаа-биле суртаалдап турар силер;
«шынчы болгаш сарыылдыг чалчаны» деткип, оларның айтыышкыннарын күүседип турар силер (Матфей 24:45—47);
хууда мөргүлге Иеговага чуртталгаңарны бараалгадып, Ооң күзел-соруун мөңгеде күүседир күзелиңер бар.
Сугга суктурарынга белен мен деп санаар болзуңарза, башкыңар силерни удуртукчулар-биле ужураштырар. Олар силерниң кайы хире белениңерни көөр.
