زبور 28:1-9
-
زبورنویس کی دُعا سنی گئی
-
”یہوواہ میری طاقت اور میری ڈھال ہے“ (7)
-
داؤد کا گیت۔
28 اَے یہوواہ میری چٹان! مَیں تجھے پکارتا رہتا ہوں؛میری دُعا اَنسنی نہ کر۔
اگر تُو چپ رہا تو مَیں اُن لوگوں کی طرح ہو جاؤں گاجو قبر* میں چلے جاتے ہیں۔
2 جب مَیں تیرے سامنے مدد کے لیے دُہائی دوںاور اپنے ہاتھ تیرے مُقدس مقام کے سب سے اندر والے کمرے کی طرف اُٹھاؤں تو میری اِلتجائیں سُن۔
3 مجھے بُرے لوگوں کے ساتھ گھسیٹ کر نہ لے جا جو دوسروں کو نقصان پہنچانے والے کام کرتے ہیں؛جو دوسروں سے دوستانہ انداز میں باتیں* کرتے ہیں جبکہ اُن کے دل میں کھوٹ ہوتا ہے۔
4 اُنہیں اُن کے کاموں کے مطابق،ہاں، اُن کے بُرے کاموں کے مطابق بدلہ دے۔
اُنہیں اُن کے ہاتھوں کے کاموں کی،ہاں، اُن کے کیے کی سزا دے
5 کیونکہ وہ یہوواہ کے کاموں پر کوئی دھیان نہیں دیتےاور نہ ہی اُس کے ہاتھوں کے کام پر کوئی توجہ دیتے ہیں۔
وہ اُنہیں ڈھا دے گا اور اُنہیں کھڑا نہیں کرے گا۔
6 یہوواہ کی بڑائی ہوکیونکہ اُس نے مدد کے لیے میری اِلتجائیں سنی ہیں۔
7 یہوواہ میری طاقت اور میری ڈھال ہے؛میرا دل اُس پر بھروسا کرتا ہے۔
اُس نے میری مدد کی ہے اور میرا دل خوش ہےاِس لیے مَیں گیت گا کر اُس کی تعریف کروں گا۔
8 یہوواہ اپنے بندوں کی طاقت ہے؛وہ ایک قلعہ ہے جو اپنے مسحشُدہ* بندے کو زبردست طریقے سے نجات دِلاتا ہے۔
9 اپنے بندوں کو بچا اور اپنی وراثت کو برکت دے۔
اُن کی گلّہبانی کر اور اُنہیں ہمیشہ اپنے بازوؤں میں اُٹھائے رکھ۔
فٹ نوٹس
^ عبرانی میں: ”گڑھے“
^ یا ”صلح کی باتیں“
^ ”الفاظ کی وضاحت“ میں ”مسح کرنا“ کو دیکھیں۔