Chii, Yihoowa Markkati haratuppe shaahetti kiyida iita haymaanootiya kaalliyageeta gidokkona. Nuuni Yesuusa leemisuwa kaallanawunne I tamaarissidoogaadan deˈanawu nuuyyo danddayettidabaa oottiya Kiristtaaneta.

 Haratuppe shaahetti kiyida iita haymaanootiya xeelliyagan asawu dumma dumma qofay deˈees. Gidoppe attin, haratuppe shaahetti kiyida iita haymaanootiya xeelliyagan meeze gidida naaˈˈu qofaanne hegee nuna qonccissennaba gididoy aybissakko akeeka.

•   Issoti issoti haratuppe shaahetti kiyida iita haymaanootee ooratta woy erettenna haymaanoote giidi qoppoosona. Yihoowa Markkati ooratta haymaanootiya doommibookkona. Ubba nuuni, eta leemisoynne timirttee Geeshsha Maxaafan xaafettido, koyro xeetu layttan deˈida Kiristtaanetu leemisuwa kaallidi goynnoos. (2 Ximootiyoosa 3:16, 17) Goynuwara gayttidaagan xoqqu oottidi kaallana koshshiyoy Geeshsha Maxaafaa gidiyogaa nuuni ammanoos.

•   Issoti issoti haratuppe shaahetti kiyida iita haymaanootee asi kaalettiyoba giidi qoppoosona. Yihoowa Markkati ay asanne banttana kaalettiyabadan xeellokkona. Hegaappe, Yesuusi ba erissiyo ashkkaratussi inttena kaalettiyagee “issi Godai, Kiristtoosa xalaalai de7ees” giido wode yootido maaraa kaalloos.—Maatiyoosa 23:10.

 Yihoowa Markkati iita haymaanootiya kaalliyageeta gidennan, banttananne harata goˈˈiyabaa oottoosona. Leemisuwau, nu haggaazoy jallissiya xaliyanne ushshaa uyiyo qohiya meeziya agganaadan darota maaddiis. Hegaa bollikka, ubba saˈan tamaaribeennaageeti nabbabiyogaanne xaafiyogaa eranaadan nuuni maaddiyogan shaˈan qoodettiyageeti goˈettidi deˈoosona. Qassi nuuni daafabay gakkidoogeeta minnidi maaddoos. Yesuusi ba erissiyo ashkkarata azazidoogaadan, nuuni haratussi loˈˈo leemiso gidanawu minnidi oottoos.—Maatiyoosa 5:13-16.