Umbutho ojongene nokusindiswa kobomi babantwana ehlabathini lonke uthi: “Unyaka nonyaka zifikelela kwizigidi ezithathu iimveku ezisweleka kuseyinyanga yokuqala yobomi bazo, zibulawa zizifo ebezinokuthintelwa. Ngaphezu kwesithathu sezi mveku sisweleka kwakusuku lokuqala.”

Ngokophando olwenziwe ngo-2011 nguMbutho Ojongene Nempilo Kawonke-Wonke eNgilani, iidolophu ezizimeleyo eziyi-15 ziye zanenani elinyukileyo labantu ababulawa lungcoliseko lomoya. Kuye kwenziwa idizili engenabungozi kangako xa ithelekiswa namanye amafutha ezithuthi. Noko ke, iipesenti eziyi-91 zongcoliseko lomoya kula mmandla zisuka kwizithuthi ezisebenzisa le dizili.

Uphando olwenziwe ngo-2013 nguMbutho WaseRashiya Ojongene Noluvo Lukawonke-wonke, lubonisa ukuba i-52 pesenti yabantu baseRashiya abazibiza ngokuba bangamaKristu ithi ayizange khe iyifunde iBhayibhile, yaye i-28 pesenti ithi ithandaza manqaphanqapha.

IBhanki Yehlabathi ithi: Ukruthakruthwano lwemihlaba lubangela ukuba kubekho ukusilela kwezolimo, nto leyo ebangela indlala. Isiqingatha somhlaba ongalinywanga osasetyenziswayo nozizigidi eziyi-202 zeehektare ukwilizwekazi iAfrika, apho i-25 pesenti inokusebenziseka ngamandla.

Zininzi izikolo neeyunivesithi ezithe zayeka ukusebenzisa iincwadi zokufundisa zaza zasebenzisa iitablet ezisebenza ngombane nezifakelwe iinkqubo zemfundo ezifunekayo. Le ndlela isenokuba yeyona inamaxabiso angatyabuli kangako, kodwa ayiqondakali.