Mae gwaed yn hanfodol bwysig. Ni allwn ni fyw hebddo. Duw yw’r Creawdwr, felly ef sydd â’r hawl i ddweud sut gallwn ni ddefnyddio gwaed. Beth mae Duw wedi ei ddweud? A yw’n iawn inni fwyta gwaed, neu ei drallwyso? A sut gallwch chi wneud penderfyniadau da ynglŷn â gwaed?

1. Beth yw safbwynt Duw tuag at waed?

Dywedodd Duw wrth ei bobl yn amser y Beibl: “Mae bywyd pob creadur byw yn y gwaed.” (Lefiticus 17:14) I Jehofa, mae gwaed yn cynrychioli bywyd. Gan fod bywyd yn rhodd sanctaidd oddi wrth Dduw, mae gwaed yn sanctaidd hefyd.

2. Yn ôl gorchymyn Duw, beth na ddylen ni ei wneud â gwaed?

Rhoddodd Duw orchymyn i’w addolwyr yn y cyfnod cyn Crist i beidio â bwyta gwaed. (Darllenwch Genesis 9:4 a Lefiticus 17:10.) Rhoddodd Duw yr un gorchymyn eto pan ddywedodd y corff llywodraethol y dylai Cristnogion ‘wrthod . . . gwaed.’—Darllenwch Actau 15:28, 29.

Beth mae hyn yn ei olygu? Petai meddyg yn dweud wrthoch chi am wrthod alcohol, yn sicr na fyddech chi’n ei yfed. Ond, a fyddech chi’n bwyta bwydydd sy’n cynnwys alcohol, neu’n derbyn alcohol yn syth i mewn i’ch gwythiennau trwy nodwydd? Na fyddech, wrth reswm. Yn yr un modd, mae gorchymyn Duw i wrthod gwaed yn golygu na ddylen ni yfed gwaed neu fwyta cig sydd heb ei waedu. Ac ni ddylen ni fwyta bwyd sydd â gwaed yn un o’r cynhwysion.

Beth am ddefnyddio gwaed at ddibenion meddygol? Mae rhai triniaethau yn amlwg yn groes i gyfreithiau Duw. Ymhlith y rhain yw trallwyso gwaed cyfan neu un o’i brif gyfansoddion—sef celloedd coch, celloedd gwyn, platennau, a phlasma. Ond yn achos triniaethau eraill, nid yw’r sefyllfa wastad mor eglur. Er enghraifft, mae rhai triniaethau yn gofyn am ddefnyddio ffracsiynau sy’n dod o un o brif gyfansoddion gwaed. Mae triniaethau eraill yn gofyn am ddefnyddio gwaed y claf ei hun. Wrth bwyso a mesur y dewisiadau, bydd rhaid i bob un ohonon ni wneud penderfyniad personol. a—Galatiaid 6:5.

 CLODDIO’N DDYFNACH

3. Gwneud penderfyniadau meddygol sy’n plesio Jehofa

Sut gallwch chi wneud penderfyniadau meddygol sy’n cyd-fynd â safbwynt Duw? Gwyliwch y FIDEO, ac yna trafodwch bwysigrwydd y camau sy’n dilyn.

• Gweddïwch am ddoethineb.—Iago 1:5.

• Gwnewch ymchwil ar egwyddorion y Beibl ac ystyriwch sut maen nhw’n berthnasol.—Diarhebion 13:16.

• Dysgwch am y dewisiadau sydd ar gael yn eich ardal chi.

• Penderfynwch pa ddewisiadau a fyddai’n hollol annerbyniol i chi.

• Sicrhewch y bydd eich penderfyniad yn cadw eich cydwybod yn lân.—Actau 24:16. b

• Cofiwch na ddylai neb—gan gynnwys eich cymar, un o’r henuriaid, neu’r un sy’n eich helpu chi i astudio’r Beibl—ddweud wrthoch chi am beth i’w wneud mewn materion sy’n ymwneud â’r gydwybod.—Rhufeiniaid 14:12.

• Cofnodwch eich penderfyniad fel bod eraill yn gwybod amdano.

4. Mae Tystion Jehofa yn ceisio gofal meddygol o’r safon orau

Mae’n bosib cadw at gyfraith Duw a chael gofal meddygol o safon uchel heb ddefnyddio gwaed. Gwyliwch y FIDEO.

Darllenwch Titus 3:2, ac yna trafodwch y cwestiwn hwn:

• Pam dylen ni fod yn addfwyn ac yn fodlon cydweithredu â gweithwyr meddygol?

 5. Penderfyniadau ynglŷn â ffracsiynau gwaed

Mae pedwar prif gyfansoddyn i waed—celloedd coch, celloedd gwyn, platennau, a phlasma. Yn y cyfansoddion hyn y mae rhannau llai a elwir yn ffracsiynau gwaed. c Mae’r rhain yn cael eu defnyddio i drin rhai clefydau neu i atal gwaedu.

O ran ffracsiynau gwaed, bydd rhaid i bob Cristion wneud penderfyniad personol, gan wrando ar ei gydwybod, sydd wedi ei hyfforddi gan y Beibl. Bydd rhai yn penderfynu gwrthod triniaethau o’r fath. Ond bydd cydwybod Cristnogion eraill yn caniatáu iddyn nhw dderbyn ffracsiynau gwaed.

Wrth benderfynu, ystyriwch y cwestiwn hwn:

• Sut bydda i’n esbonio i’r meddyg pam bydda i naill ai’n gwrthod neu’n derbyn ffracsiynau gwaed?

 CRYNODEB

Mae Jehofa eisiau inni beidio â chamddefnyddio gwaed.

Adolygu

• Pam mae Jehofa yn ystyried gwaed yn sanctaidd?

• Sut rydyn ni’n gwybod bod gorchymyn Duw i wrthod gwaed yn berthnasol i drallwysiadau gwaed?

• Sut gallwch chi wneud penderfyniadau da ynglŷn â defnyddio gwaed at ddibenion meddygol?