Kɛha Oblahii Kɛ Oblayei

Bɔ ni Wɔɔfee Wɔte Shi Wɔwo Kaa

YOSEF—Fà1

Gbɛtsɔɔmɔi: Tsu nifeemɔ nɛɛ he nii yɛ he ko ni yɔɔ dioo. Be mli ni okaneɔ ŋmalɛi lɛ, ŋɔɔ lɛ akɛ ofata mɛi ni yɔɔ nifeemɔ lɛ mli lɛ ahe. Feemɔ shihilɛ lɛ kɛ gbɛɛmɔi lɛ ahe mfoniri yɛ ojwɛŋmɔŋ. Nu nii ahe tamɔ bɔ ni mɛi ni yɔɔ nikanemɔ lɛ mli lɛ nu he lɛ. Ha amaniɛbɔɔ lɛ afee nɔ ni yɔɔ diɛŋtsɛ.

Mɛi titri ni yɔɔ sane nɛɛ mli: Yosef kɛ Potifar ŋa lɛ

Ekukufoo: Yosef kpoo akɛ ekɛ Potifar ŋa lɛ aaaná bɔlɛ.

1 PƐIMƆ SHIHILƐ LƐ MLI.—KANEMƆ 1 MOSE 39:1-12.

Tsɔɔmɔ bɔ ni osusuɔ akɛ asaa Potifar shĩa lɛŋ jogbaŋŋ aha lɛ mli.

․․․․․

Te osusuɔ akɛ Yosef puemɔ yɔɔ ha tɛŋŋ? (Nɔ ni baawa bo: Kanemɔ kuku 6 lɛ ekoŋŋ.)

․․․․․

Mɛɛ gbee osusuɔ akɛ Yosef kɛwie beni ekɛ Potifar ŋa lɛ wieɔ yɛ kuku 8 kɛ 9 lɛ?

․․․․․

2 TAOMƆ MLI KƐYA SHƆŊŊ.

Mɛni osusuɔ akɛ no baaha ewa kɛha Yosef akɛ eeehiɛ ejeŋba kpakpa lɛ mli? (Nɔ ni baawa bo: Kanemɔ Filipibii 2:12 lɛ, ni osusu shihilɛi amli ni Yosef yɔɔ lɛ he. Ákɛ nɔkwɛmɔnɔ lɛ, no mli lɛ nɛgbɛ Yosef wekumɛi kɛ Yehowa jálɔi krokomɛi lɛ yɔɔ?)

․․․․․

Mɛni hewɔ osusuɔ akɛ Yosef nu he akɛ kɛ́ efite gbãla lɛ, efee esha eshi Nyɔŋmɔ, yɛ be mli ni Nyɔŋmɔ woko mla eshiko gbalafitemɔ yɛ nakai beaŋ lɛ? (Nɔ ni baawa bo: Kanemɔ ŋmalɛi ni nyiɛ sɛɛ nɛɛ, ní ojwɛŋ nɔ: 1 Mose 2:24; 12:17, 18; Romabii 2:14, 15; kɛ Hebribii 5:14.)

․․․․․

  3 OKƐ NƆ NI OKASE LƐ ATSU NII. ŊMAA NƆ NI OKASE YƐ NIBII NƐƐ AHE.

Tsakpaa ni yɔɔ henɔyeli kɛ woo teŋ.

․․․․․

Jɔɔmɔi ni mɛi ni hiɔ shi yɛ Nyɔŋmɔ jeŋba he mlai anaa lɛ náa.

․․․․․

Bɔ ni ehe hiaa ni otsɔse ‘ohenumɔ nii lɛ.’ (Hebribii 5:14)

․․․․․

GBƐI KROKOMƐI ANƆ NI OBAANYƐ OKƐ NƆ NI OKASE LƐ ATSU NII.

Mɛɛ shihilɛ(i) amli obaanyɛ ofi shi kɛ́ ebi ni ote shi owo bɔlɛnamɔ he kaa? (Nɔ ni baawa bo: Kanemɔ Hiob 31:1; Lala 119:37; kɛ Efesobii 5:3, 4 lɛ, ní ojwɛŋ nɔ.)

․․․․․

4 TE AMANIƐBƆƆ NƐƐ MLI FÃ NI HE EBA SƐƐNAMƆ JOGBAŊŊ KƐHA BO LƐ, NI MƐNI HEWƆ?

․․․․․

Kɛji obɛ Biblia lɛ, bi Yehowa Odasefoi ni amɛha bo eko, aloo kanemɔ yɛ Intanɛt lɛ nɔ yɛ www.watchtower.org