Ba’zi madaniyatlarda turmush qurmaganlarni baxtsiz, deb o‘ylashadi. Biroq turmush qurganlarning bari baxtli, turmush qurmaganlar esa baxtsiz, deb ayta olmaymiz. Haqiqat shuki, Kalomda turmush qurmaslik va turmush qurish in’om deb aytilgan.

1. Turmush qurmaslikning qanday foydali tomonlari bor?

Muqaddas Kitobda: «Turmush qurgan kishi ham yaxshi qiladi. Kimki turmush qurmasa, yanada yaxshiroq yo‘l tutgan bo‘ladi»,— deyilgan. (1 Korinfliklarga 7:32, 33, 38 ni o‘qing.) Qaysi ma’noda ular «yanada yaxshiroq yo‘l tutgan bo‘ladi»? Turmush o‘rtog‘i yo‘q masihiylar umr yo‘ldoshining ehtiyojlariga g‘amxo‘rlik qilishiga to‘g‘ri kelmaydi. Shu bois, odatda ularda ko‘proq erkinlik bor. Ayrimlari qiziqarli yo‘llar orqali xizmatini kengaytira oladi. Masalan, xushxabarni va’z qilish uchun boshqa mamlakatga ko‘cha oladi. Eng muhimi, ular Yahovaga yanada yaqinroq bo‘lish uchun ko‘proq vaqtga ega.

2. Qonuniy nikohdan o‘tishning qanday foydasi bor?

Turmush qurmaslikka o‘xshab turmush qurishning ham foydali taraflari bor. Kalomda: «Yolg‘iz bo‘lgandan ko‘ra ikki kishi bo‘lgan yaxshiroq»,— deyilgan. (Voiz 4:9) Buni, ayniqsa, nikohida Muqaddas Kitob prinsiplarini qo‘llayotgan masihiylar o‘zida his qiladi. Nikohini ro‘yxatdan o‘tkazadigan juftlik bir-birini sevish, hurmat qilish va ardoqlashga qasam ichadi. Natijada shunchaki birga yashayotgan juftliklarga qaraganda ular odatda oilasi ko‘proq himoyalanganini his qiladi. Bu bilan ular farzandlariga ham himoya ostida bo‘lishga yordam bergan bo‘ladi.

3. Yahova nikohga qanday nuqtai nazarda?

Yahova ilk nikohga asos solganida shunday deb aytgan: «Erkak kishi o‘z ota-onasini qoldirib, xotiniga bog‘lanib qoladi». (Ibtido 2:24) Er va xotin hayot ekan, Yahova ular bir-birini sevishini va o‘zaro bog‘lanib qolishini istaydi. Turmush o‘rtoqlardan biri zino qilsagina, Yahova ajrashishga yo‘l qo‘yadi. Bunday vaziyatda U beayb er yoki xotinga ajrashish-ajrashmaslik qarorini qabul qilish huquqini beryapti a. (Matto 19:9) Xudo masihiylar orasida poligamiya, ya’ni ko‘p nikohlilikni ma’qullamaydi. (1 Timo‘tiyga 3:2)

 KO‘PROQ BILIB OLING

5. Turmush o‘rtoqni donolik ila tanlang

Turmush o‘rtoq tanlash eng muhim qarorlardan biri. Matto 19:4–6, 9 ni o‘qing, so‘ng quyidagi savolni muhokama qiling:

• Nega masihiy turmush qurish masalasida shoshilib qaror chiqarmasligi kerak?

Muqaddas Kitob yordamida yaxshi umr yo‘ldosh qaysi fazilatlarga ega bo‘lishi kerakligini bilib olishingiz mumkin. Asosiysi, Yahovani sevadigan turmush o‘rtoqni tanlang b. 1 Korinfliklarga 7:39 va 2 Korinfliklarga 6:14 ni o‘qing, so‘ng quyidagi savollarni muhokama qiling:

• Nega faqat imondoshimiz bilan turmush qurishimiz kerak?

• Sizningcha, Yahovani sevmaydigan kishi bilan oila qurmoqchi bo‘lsak, U nimalarni his qiladi?

 6. Nikohga Yahova kabi qarang

Qadimgi Isroilda ba’zi erkaklar xudbin istaklari tufayli xotinlari bilan ajrashgan. Malaki 2:13, 14, 16 ni o‘qing, so‘ng quyidagi savolni muhokama qiling:

• Ajrashish sababi Muqaddas Kitobga zid bo‘lsa, nega Yahova bundan nafratlanadi?

VIDEONI tomosha qiling, so‘ng quyidagi savolni muhokama qiling:

• Turmush o‘rtog‘ingiz imondosh bo‘lmasa, nikohingiz baxtli bo‘lishi uchun nima qila olasiz?

7. Yahovaning nikoh borasidagi me’yorlariga amal qiling

 XULOSA

Turmush qurmaslik va nikoh Yahovaning in’omi. Turmush qurgan ham, qurmagan ham Yahovaning irodasiga muvofiq yashasa, quvonch va mamnuniyat his qiladi.

Takrorlash

• Kishi turmush qurmagan bo‘lsa, qay yo‘sin bu erkinligidan oqilona foydalana oladi?

• Nega Muqaddas Kitobga ko‘ra, faqat imondoshimiz bilan turmush qurishimiz lozim?

• Muqaddas Kitobga ko‘ra, ajrashishga faqat nima asos bo‘la oladi?