NZILA YA KE NATAKA NA KIESE
Zaba Mambu Mingi
KETI NGE ME KUDIYULAKA DEZIA NDE:
-
Inki mutindu dibuta na mono lenda vanda na kiese?
-
Inki mutindu mono lenda zwa banduku ya mbote mpi kuvanda nduku ya mbote?
-
Keti kivuvu kele sambu na bantu ya mono vandaka kuzola yina me fwaka?
-
Keti kilumbu kele bampasi ta mana?
-
Keti nsuka-nsuka bantu ta fwa ntoto?
-
Keti mabundu yonso ke nataka na Nzambi ya kieleka?
NGE LENDA ZWA BAMVUTU NA BANGIUFULA YAI MPI YA NKAKA
Kota na site Internet jw.org, yina kele na bandinga kuluta 900. Kuna nge lenda zwa bansangu ya mfunu ya ke tubila mambu mingi.
Nge lenda tala bavideo ya ke tubila bantu ya mitindu na mitindu yina me zwaka nzila ya ke nataka na kiese mpi bo me yambulaka yo ve ata fioti! Bankaka nkutu vandaka bampika ya bima yina ke lawusaka to bantu ya boloko. Bankaka kele bantu yina me longukaka mingi kibeni, ti bantu ya siansi mpi.
Na jw.org nge ta vanda ti dibaku ya kutanga to kubaka ba Biblia ya mitindu na mitindu mpi mikanda mingi ya nkaka—yonso ya ofele. Yo kele ti batitre mingi, mu mbandu:
-
Ngemba mpi Kiese ya Kukonda Nsuka—Inki Mutindu Nge Lenda Zwa Yo
Nge Lenda Sepela Mpi Ti
MAMBU YA ME TALA BETO
Sambu na Nki Beto Fwete Longuka Biblia?—Video ya Nda
Biblia ke pesaka bamilio ya bantu na nsi-ntoto ya mvimba bamvutu na bangiufula ya mfunu ya luzingu. Keti nge ta zola kuvanda na kati ya bantu yina?
