زندگی کی وجہ سے ہم بہت سی چیزوں کا مزہ لے سکتے ہیں۔ ہم اُس وقت بھی اِس نعمت سے خوشی حاصل کر سکتے ہیں جب ہمیں مشکلات کا سامنا ہوتا ہے۔ ہم کیسے ظاہر کر سکتے ہیں کہ ہم زندگی کی نعمت کی قدر کرتے ہیں؟ اور ایسا کرنے کی سب سے بڑی وجہ کیا ہے؟‏

1.‏ ہمیں زندگی کی قدر کیوں کرنی چاہیے؟‏

ہمیں زندگی کی قدر اِس لیے کرنی چاہیے کیونکہ یہ ہمارے شفیق باپ یہوواہ کی طرف سے ایک تحفہ ہے۔ بائبل میں لکھا ہے:‏ ”‏زندگی کا چشمہ [‏خدا کے]‏ پاس ہے۔“‏ (‏زبور 36:‏9‏)‏ اِس کا مطلب ہے کہ اُس نے سب کو زندگی بخشی ہے۔ ‏”‏وہ خود اِنسانوں کو زندگی اور سانس اور سب چیزیں عطا کرتا ہے۔“‏ (‏اعمال 17:‏25،‏ 28‏)‏ یہوواہ نے ہمیں وہ سب چیزیں دی ہیں جو زندہ رہنے کے لیے ضروری ہیں۔ لیکن اُس نے صرف اِتنا ہی نہیں کِیا۔ اُس نے اِن چیزوں کی فرق فرق قسمیں بنائی ہیں تاکہ ہم زندگی کا مزہ لے سکیں۔—‏اعمال 14:‏17 کو پڑھیں۔‏

2.‏ ہم زندگی کی نعمت کے لیے قدر کیسے ظاہر کر سکتے ہیں؟‏

جس لمحے ماں کے پیٹ میں ہماری زندگی شروع ہوتی ہے، یہوواہ کو اُسی وقت سے ہماری فکر ہوتی ہے۔ خدا کے بندے داؤد نے اُس سے دُعا کرتے ہوئے کہا:‏ ‏”‏تیری آنکھوں نے مجھے اُس وقت بھی دیکھا جب مَیں اپنی ماں کے پیٹ میں پَل رہا تھا۔“‏ (‏زبور 139:‏16‏، ترجمہ نئی دُنیا‏)‏ یہوواہ کی نظر میں آپ کی زندگی بہت قیمتی ہے۔ (‏متی 10:‏29-‏31 کو پڑھیں۔)‏ جب کوئی شخص جان بُوجھ کر اپنی یا دوسروں کی زندگی ختم کر دیتا ہے تو یہوواہ کو بہت دُکھ ہوتا ہے۔‏ a (‏خروج 20:‏13‏)‏ یہوواہ کو اُس وقت بھی دُکھ ہوتا ہے جب ہم بِلاوجہ اپنی زندگی خطرے میں ڈالتے ہیں یا دوسروں کی زندگی کو محفوظ رکھنے کے لیے ضروری قدم نہیں اُٹھاتے۔ جب ہم اپنی زندگی کی حفاظت کرتے ہیں اور دوسروں کی زندگی کا احترام کرتے ہیں تو ہم ظاہر کرتے ہیں کہ ہم اِس قیمتی تحفے کے لیے یہوواہ کے شکرگزار ہیں۔‏

 موضوع کی گہرائی میں جائیں

3.‏ اپنی صحت کا خیال رکھیں

جو مسیحی خود کو یہوواہ خدا کے لیے وقف کر دیتے ہیں، وہ پوری طرح اپنی زندگی اُس کی خدمت کے لیے اِستعمال کرتے ہیں۔ یہ ایسے ہی ہے جیسے وہ اپنے جسموں کو ایک قربانی کے طور پر خدا کے سامنے پیش کر رہے ہوں۔ رومیوں 12:‏1، 2 کو پڑھیں اور پھر اِن سوالوں پر بات‌چیت کریں:‏

• آپ کو اپنی صحت کا خیال کیوں رکھنا چاہیے؟‏

• آپ اپنی صحت کا خیال کیسے رکھ سکتے ہیں؟‏

 5.‏ اُس زندگی کے لیے بھی قدر ظاہر کریں جو ماں کے پیٹ میں پَل رہی ہوتی ہے

بادشاہ داؤد نے بتایا کہ یہوواہ خدا اُس بچے میں بھی دلچسپی لیتا ہے جو ماں کے پیٹ میں پَل رہا ہوتا ہے۔ زبور 139:‏13-‏17 کو پڑھیں اور پھر اِس سوال پر بات‌چیت کریں:‏

• یہوواہ کی نظر میں ایک اِنسان کی زندگی کب شروع ہوتی ہے، جب ماں کے پیٹ میں حمل ٹھہرتا ہے یا جب وہ پیدا ہوتا ہے؟‏

پُرانے زمانے میں یہوواہ خدا نے اِسرائیلیوں کو ایسے قانون دیے تھے جن کے ذریعے حاملہ عورتوں اور اُن کے بچوں کی زندگی محفوظ رہتی تھی۔ خروج 21:‏22، 23 کو فٹ‌نوٹ سے پڑھیں b اور پھر اِن سوالوں پر بات‌چیت کریں:‏

• یہوواہ خدا اُس شخص کو کیسا خیال کرتا تھا جو انجانے میں کسی حاملہ عورت کے بچے کی جان لے لیتا تھا؟‏

• آپ کے خیال میں اگر وہ شخص جان بُوجھ کر ایسا کرتا تو یہوواہ اُسے کیسا خیال کرتا؟‏ c

• اِس معاملے کے بارے میں خدا کی سوچ جان کر آپ کو کیسا لگا ہے؟‏

ویڈیو چلائیں‏۔‏

ہو سکتا ہے کہ ایک عورت زندگی کی قدر کرتی ہو لیکن پھر بھی اُسے لگے کہ اُس کے پاس بچہ گِرانے کے علاوہ کوئی اَور حل نہیں ہے۔ یسعیاہ 41:‏10 کو پڑھیں اور پھر اِن سوالوں پر بات‌چیت کریں:‏

• اگر ایک عورت پر اپنا بچہ گِرانے کے لیے دباؤ ڈالا جاتا ہے تو اُسے کس سے مدد مانگنی چاہیے اور کیوں؟‏

 خلاصہ

بائبل میں یہ تعلیم دی گئی ہے کہ زندگی یہوواہ خدا کی طرف سے ایک تحفہ ہے۔ اِس لیے ہمیں اپنی اور دوسروں کی زندگی کی قدر اور حفاظت کرنی چاہیے۔‏

دُہرائی

• یہوواہ خدا اِنسانوں کی زندگی کو قیمتی کیوں خیال کرتا ہے؟‏

• جب کوئی شخص جان بُوجھ کر اپنی یا دوسروں کی زندگی ختم کرتا ہے تو یہوواہ خدا کو کیسا لگتا ہے؟‏

• آپ زندگی کی نعمت کی قدر کیوں کرتے ہیں؟‏