IMIBUZO YEBHAYIBHILE IYAPHENDULWA
Ngaba izono zethu zinokuxolelwa?
Akukho nzima ukwamkeleka kuThixo
IBhayibhile ithi sonke singaboni. Isono sasifumana kumntu wokuqala uAdam. Yiyo loo nto ngamanye amaxesha sisenza izinto ezimbi size sizisole ngazo. UNyana kaThixo uYesu Kristu wazifela izono zethu. Siyakwazi ukuxolelwa ngenxa yedini lakhe lentlawulelo, elisisipho esivela kuThixo.—Funda amaRoma 3:23, 24.
Abanye abantu baye benza izono ezinzulu kwaye bayazibuza ukuba ngaba uThixo unokubaxolela na. Okuvuyisayo kukuba, iLizwi likaThixo lithi, ‘igazi likaYesu uNyana wakhe lisihlambulula kuso sonke isono.’ (1 Yohane 1:7) UYehova uyabaxolela abantu abamone ngokunzulu, xa beguquka ngokunyanisekileyo.—Funda uIsaya 1:18.
Yintoni ekufuneka siyenze ukuze sixolelwe?
Ukuba sifuna uYehova uThixo asixolele, kufuneka sifunde ngaye—siziqonde iimfundiso zakhe, amacebiso kunye nezinto alindele ukuba sizenze. (Yohane 17:3) UYehova uyabaxolela abo baguqukayo kwizinto ezimbi abazenzayo.—Funda iZenzo 3:19.
Akukho nzima ukwamkeleka kuThixo. UYehova uyabuqonda ubuthathaka bethu. Uyaxolela kwaye unobubele. Ngaba indlela anobubele ngayo ayikwenzi ufune ukufunda ngakumbi ngaye uze wenze izinto azithandayo?—Funda iNdumiso 103:13, 14.
Mhlawumbi Ungayithanda Nale
IMBONISELO
Ngaba Uyakwenza Oko UThixo Akucelayo?
Ukuthobela uThixo kubalulekile kodwa, kufuneka okungakumbi ukuze sibe nobuhlobo naye.
IMIBUZO YEBHAYIBHILE IYAPHENDULWA
Ngaba UThixo Uza Kundixolela?
Khawuve oko kuthethwa yiBhayibhile ngokuxolelwa nguThixo.
IMBONISELO
Ngaba Nyhani Singamkholisa UThixo?
Impendulo sinokuyifumana ngokuhlola ingxelo kaYobhi, kaLote, nekaDavide nabenza iimpazamo ezinkulu.
