Lipesaleme 19:1-14
Ho motsamaisi. Pina ea Davida.
19 Maholimo a phatlalatsa khanya ea Molimo.+
Sepakapaka se phatlalatsa mosebetsi oa matsoho a hae.+
2 Letsatsi le letsatsi ho utloahala seo li se buang.
Bosiu bo bong le bo bong li senola tsebo ea hae.
3 Maholimo ha a bue letho ebile ha a na mantsoe.
Lentsoe la ’ona ha le utloahale.
4 Empa molumo* oa ’ona o utloahala lefatšeng lohleLe molaetsa oa ’ona o fihla likarolong tse hole tsa lefatše.+
O hlometse letsatsi tente leholimong.
5 Le tšoana le monyali ha a tsoa kamoreng ea hae.
Le thaba joaloka monna ea matla ea mathang lebelong.
6 Le hlaha karolong e ’ngoe ea leholimoEbe le potoloha ho ea fihla karolong e ’ngoe ea lona.+
Ha ho na letho le ka ipatelang mocheso oa lona.
7 Molao oa Jehova o phethahetse,+ o etsa hore motho a boele a be le matla.+
Melao* ea Jehova ea tšepahala,+ e hlalefisa ea se nang boiphihlelo.+
8 Litaelo tsa Jehova li lokile, li thabisa pelo.+
Litaelo tsa Jehova li hloekile, li khantša mahlo.+
9 Ho tšaba Jehova ho hloekile,+ ke ntho e tla lula e le teng.
Likahlolo tsa Jehova ke tsa ’nete, kaofela ha tsona li lokile.+
10 Li khahleha ho feta khauta,Ho feta khauta e ngata e hloekisitsoeng.+
Li monate ho feta mahe a linotši,+ a rothang khekheng ea tsona.
11 Mohlanka oa hao o lemositsoe ke tsona.+
Ea li mamelang o fumana moputso o moholo.+
12 Ke mang ea ka lemohang liphoso?+
Ntšoarele ka libe tseo ke sa hlokomelang hore ke li entse.
13 Nthibe hore ke se ke ka ba le boikhohomoso.+
U se ke oa bo lumella hore bo ntaole.+
Kahoo, nke ke ka tšoauoa phoso+Kapa ka ba molato oa libe tse kholo.*
14 E se eka mantsoe a ka le lintho tseo ke nahanisisang ka tsonaLi ka u thabisa Jehova,+ Lefika la ka+ le Molopolli oa ka.+
Linaletsana
^ Kapa mohlomong: “khoele e methang.”
^ Kapa: “Likhopotso.”
^ Kapa: “litlolo tse ngata.”
