Lipesaleme 6:1-10
Ho motsamaisi, e binoe ka liletsa tse likhoele ka molumo oa Sheminithe.* Pina ea Davida.
6 Jehova hle, u se ke oa nkhalemela u halefile,U se ke oa nkhalemela ka bohale.+
2 Nkhauhele hle Jehova hobane ke felloa ke matla.
Mpholise Jehova+ hobane masapo a ka aa thothomela.
3 Ke khathatsehile haholo.+
Kea u botsa hle Jehova, ho tla nka nako e telele hakae?+
4 Tloo u mpholose hle Jehova.+
Mpholose hobane oa nthata.*+
5 Ha motho a shoele, a ke ke a bua ka uena.*
Ke mang ea tla u rorisa a le Lebitleng?*+
6 Ke khathetse ka lebaka la ho lula ke lla.+
Bosiu bohle ke kolobisa bethe ea ka ka likeleli.
Setulo* sa ka se tletse metsi ka lebaka la meokho ea ka.+
7 Ke tšoenyehile haholo ka lebaka la mahlomola a ka,+Ha ke sa bona hantle ka lebaka la bohle ba ntšoereng hampe.
8 Tlohang ho ’na lona bohle ba etsang lintho tse mpeHobane Jehova o tla utloa sello sa ka.+
9 Jehova o tla nkutloa ha ke mo kopa hore a nkutloele bohloko.+
Jehova o tla araba thapelo ea ka.
10 Lira tsohle tsa ka li tla tšoha haholo li be li hlajoe ke lihlong.
Li tla baleha ka tšohanyetso li tlotlolohile.+
Linaletsana
^ Kapa: “lerato le tšepahalang.” Sheba Tlhaloso.
^ Kapa: “Sheole.” Sheba Tlhaloso.
^ Kapa: “a u hopola.”
^ E ne e le setulo se kang sofa.