BAG I 04
Nsi bʼa we?
Fe nguʼ ne nguʼ, benntùn nyiañtu num ngamde ba nsi nzenze. Ndaʼndù Ñwaʼni Nsi tshwèt ntshob mfà num taʼ Nsi zʼa “tshùa njoñ tsemoʼ nsi fa” là. (2 Kronika 2:5) A bʼa we? Ke zʼa ghù a ghuʼ ntshùa tsemoʼ nsi tse benntùn be ngamdʼà? Ntùm yen bag i li, oaʼ ziʼde ju ze yen Nsi là kô mbe o lèn mfà num i là.
1. Lén Nsi bʼa we, be lèn à ndùke mbʼa kô be lèn lén se à?
Ntùm Ñwaʼni Nsi, Nsi tshwèt ndaʼde lén se be. A mbe: “Me bʼa [Yaweh], tshù lén sàm nà.” (Siañ Esaya 42:5, 8.) “Yaweh” bʼa ntode lén Nsi ntùm ntshob Héber. Moʼndù a nke mbagdʼà mbe “A num ngù a be.” Yaweh Nsi kô mbe be lèn lén se. (Netume 3:15) Be lèn yennà à ndùke? Ntùm Ñwaʼni Nsi bo tsi lén Nsi nguan yoñ 7000! * Yaweh bʼa lén “Nsi mve kamànyam mba num nsitshaʼa.”—Nebwôgde 4:39.
2. Ke ze Ñwaʼni Nsi tshwèt ntshob mfà num Yaweh Nsi à?
Ñwaʼni Nsi tshwèt ntshob mbe netèt njoñ ba nsi tse benntùn nyiañtu be ngamde là, a ndaʼ Yaweh Nsi bèn mbe Nsi nenùne. Numke? Num tshu yàme. Yaweh Nsi ghù mbaʼ ndùb, a bèn mbʼa ndaʼ yi bèn mbe “Nsi zʼa be mve tù là, mbèn nke nsaʼ njoñ nsitshaʼ fa.” (Siañ Yobkwi 83:18.) A bʼa “Nganeta ntshùade”, yennà nke mbagdʼà mbe a ghù neta neghù njoñ tshu fa zʼa kô là. A “lo nabte njoñ tshu fa”—njoñ tshu fa tsʼa be mve kamànyam mba num nsitshaʼ là. (Apokalipse 4:8, 11) Nebade bo tsemoʼ nsi, Yaweh Nsi naʼ yà be Nsi fe nguʼ ne nguʼ, aʼ bèn ntswe à matmat.—Yobkwi 90:2.
TSWEʼ NTUN MI
Yen bade a be netèt ba ndén nkuʼni Nsi bo koʼ lén se là. Yen mbʼa tshwèt ndaʼde lén se wù là, mbèn njen ju zʼa ghù kʼa nke ndaʼde wù là.
3. Nsi ghù ba ndén nkuʼni yàme, ndaʼndù ngù koʼ lén se à ntshùʼ
Neyen bade a be netèt lén nkuʼni mènntùn bo koʼ lén se là, lôde LAʼDE NETSHAÑ, mbèn mbùnde yen bètte li.
-
Bade netèt lén nkuʼni mba “Tshùaben” nà, bo taʼ koʼ lén bʼa zile?
Ñwaʼni Nsi tshwèt ntshob mbe benntùn num ngamde nsi yàm bo ba tshùaben yàme. Siañ Yobkwi 136:1-3, mbèn mbùnde yen bètte li:
-
“Nsi ba nsi” bo “Tshùaben ba tshùaben” bʼa we?
4. Yaweh Nsi kô mbʼo lèn mbèn nke ntsi lén se
Ke zʼa tshwèt ndaʼde mbe Yaweh Nsi kô mbʼo lèn lén se à? Lôde LAʼDE NETSHAÑ, mbèn mbùnde tshen mbètte li.
-
O kwade mbe Yaweh Nsi kô mbe bo lèn lén se ké? Numke?
Yaweh Nsi kô mbe benntùn nke ntsi lén se. Siañ Roma 10:13, mbèn mbùnde tshen mbètte li:
-
Numke a mbʼa ju ndùb ne nke tsi lén Nsi, Yaweh à?
-
O num njuʼ wul o à ndùke ngelañ mènntùn kwimde lén so, mbèn ntsiañ o bo yi à?
-
O kwade mbe Yaweh Nsi num njuʼ wul i à ndùke ngelañ o tsiañ i bo koʼ lén se à?
5. Yaweh Nsi kô mbʼo be nshun i
Taʼ mènnzwi mà Cambodge lén se Soten tshob mbe neziʼde lén Nsi ywimdʼé nejuʼ “tsiañde zʼa naʼ mbe ke toʼ juʼ là.” Lôde LAʼDE NETSHAÑ, mbèn mbùnde yen bètte li.
-
Ntùm laʼde netshañ, Soten naʼ njuʼ wul i à ndùke ngelañ a ziʼde lén Nsi à?
O num mbe toʼde nekut kushun bo mènntùn, mbwôgmbwe ndèn lén se. Siañ Yakobo 4:8a, mbèn mbùnde tshen mbètte li:
-
Yaweh Nsi tshwèt nkô mbʼo ghù à ke?
-
Nelèn lén Nsi mbèn nke ntsi sen lén nà aʼ ywimdʼo neghebtʼé à ndùke?
TSEMOʼ BENNTÙN NUM NTSHOB MBE: “Nsi bʼa ntshùʼ, be bo tsiañ i mba ndùke lo.”
-
O bam mbe Yaweh bʼa lén Nsi ké?
-
Bʼo bagdʼà ndùke mbe Nsi kô be nke ntsi lén se à?
JU NETSHÙBE
Yaweh bʼa lén Nsi nenùne. A kô mbe be lèn mbèn nke ntsi sen lén nà num nebe nshun i.
Mbètte nekwimde
-
Mbade netèt Yaweh Nsi bo tsemoʼ nsi tse benntùn num ngamde là bʼa tsile?
-
Numke a mbètte be nke ntsi lén Nsi à?
-
Ke zʼa tshwèt ndaʼde mbe Yaweh Nsi kô mbʼo be nshun i à?
DIAGE
Lôde tshu tàn tsʼa tshwèt ndaʼde mbe Nsi num bwe là.
Yen ju zʼa ghù a tsin nekwade mbe Nsi keʼ ghù ntoʼde mi là.
Yen ju zʼa ghù a mbètte be nke ntsi lén Nsi a be be ndù be keʼ lèn kuaʼ mat bo naʼ nke ntsiañ i ntùm ntshob Héber là.
Be be tsiañ Nsi mba ndùke lo ké? Yen ju zʼa ghù bo kuʼni netshob mbe koʼ lén Nsi bʼa ntshùʼ là.
^ Num nebèn ndèn yàm mfà num mbagde lén Nsi, mbèn ndèn ju zʼa ghù tsemoʼ ntode Ñwaʼni Nsi sô sen lén nà là, lôde appendice A4 de La Bible. Traduction du monde nouveau.
