BAG I 52
Zebe mat nemaʼ nzwe mba nenabte wut ben
Mba we lo kô nemaʼ lèn nzwe zʼa bwô i là mbèn nabte wul i mbʼa kô là. Be bét tun ntshùʼ Ñwaʼni Nsi mfà num mat nemaʼ nzwe, mba bag bin aʼ tsiañde ntù Yaweh Nsi mbèn njuʼ mebwô. Bag bin yen tsemoʼ netèt tshen tun ntshùʼ là.
1. Tsit tun ntshùʼ Ñwaʼni Nsi bèn ywimde ben netshoʼ tsebe nzwe mba mat nenabte wut ben yi à?
A bètte be nke “nket nzwe à mbʼa kuʼni là, ke fà nu tuswe, [nke] nabte wut [ben] à ntùm zenu”, ngù mat neke ndàne, zebe mat nenabte wut nke mfà “ghamde Nsi.” (1 Timôtio 2:9, 10) Bag bin siañde nu mfà num tshen tun ntshùʼ kuà li: (1) Bag bin nke maʼ nzwe à “mbʼa kuʼni là.” Moʼndù o yen ntùm ntseʼde mbe ghafaʼ Nsi keʼ be maʼ nzwe à bo mat ntshùʼ, ndaʼndù, zebe mat nemaʼ nzwe ke nebaʼ tu lo num mfà nkuʼni Nsi ze be num ngamde là. (2) Nemaʼ nzwe mbʼa ke “fà nu tuswe” là nke mbagdʼà mbe, a keʼ bètte zebe nzwe bùʼde nzi kebwô ntù benntùn ke nesoñde miag mub num ben no. (3) “Nenabte wut ben ntùm zenu” bʼa nebàm nà nefiʼde mat nemaʼ nzwe zʼa sa ntùm njù là. (4) A bètte zebe mat nenabte wut nke ndaʼde njoñ ngelañ fa mbe be num “ngamde Nsi,” ndùlà, tsemoʼ benntùn tshùade bwe ndèn mbe be nke ngamdʼà Nsi ntùn.—1 Korintô 10:31.
2. Numke a mbètte be kwade fèt ben ngelañ be tshwèt ntshoʼ tsebe nzwe à?
A nenùn mbe bag bin kuʼni netshoʼ lèn nzwe be kô nemaʼ là, ndaʼndù a bètte be siañde njen a be ze tsebe nzwe aʼ ghùtni tsemoʼ benntùn nà. Tùʼ ndaʼ neghù mbe mènntùn juʼ kebwô, bag bin tshwèt ngù njoñ tsebe nkagtùn fa num “nebwô mèn zʼa ghebte mbañ [ben] nà, num neghù ndù a taa.”—Siañ Roma 15:1, 2.
3. Zebe mat nemaʼ nzwe kuʼni nesoñde tsemoʼ benntùn ntùm ghamde nelàn à ndùke?
Bag bin num nkagtùn nemaʼ mbwô nzwe njoñ ngelañ fa. Ndaʼndù, nseʼ num ngelañ a bètte netsho ntseʼde ke nenèn nàfaʼ lo, bag bin num tshét miag kuaʼ mebwô mbèn tshoʼ nzwe à bo zenu. Bag bin keʼ kô mbe zebe mat nemaʼ nzwe tshètte tsemo‘ nejuʼ nkùn mebwô. Là, bag bin kô mbe zebe mat nenabte wut tènde benntùn bo kùʼ ntoñ num nenùn, “ndùlala ndù bo ghamde netswide Nsi, ngayôg be.”—Titô 2:10.
TSWEʼ NTUN MI
Siañde nu mfà num mat ze bʼa ywimdʼo nelèn a be ze tsho nzwe mba yu mat nenabte wul o num ndaʼde mbʼo bʼa mènkristô là.
Zebe mat nemaʼ nzwe kuʼni nelaʼde a be ze be tshwèt nkuʼni ben ndùbndùb là. A be be ndù Yaweh Nsi num nsiañ ntù ben, a bètte zebe mat nemaʼ nzwe ke nenabte wut ben no nke mfà nkuʼni yi.
4. Bag bin num nabte wut ben mebwô, a fà nkuʼni Yaweh Nsi
Numke a mbʼa ju ndùb nenabte wut ben kuaʼ mebwô à? Siañ Yobkwi 47:2, mbèn mbùnde tshen mbètte li:
-
Mba Ghakwénta Yaweh Nsi là, ke lèn nzwe a bètte be nke maʼ à?
-
O kwade mbʼa bʼa ju ndùb nenabte wut ben kuaʼ mebwô ngelañ nenèn ntseʼde, mba ngelañ nenèn nàfaʼ ké? Numke?
5. Tshu tse bʼa ywimde ben netshoʼ mbwô nzwe mbèn nabte wut ben kuaʼ mebwô là
Ke tsho nzwe ta njoñ kʼa botte njoñ no, à bètte mbʼa làne. Mbèn mbe, mba zit dùʼ lo zʼo nèn nà, à bètte mbʼo maʼ nzwe zʼa bwô. Siañ 1 Korintô 10:24 bo 1 Timôtio 2:9, 10, mbèn mbùnde tshen mbètte li: Numke a ke bètte be maʼ ba nzwe . . .
-
tsʼa lôtit mbèn mbagde lʼà?
-
tsʼa fét, mbèn nke mbùʼde nzi kebwô ntù benntùn à?
Benkristô keʼ bèn ngù nebét Ntshùʼ Mosé sènni, ndaʼndù yen Ntshùʼ là num njwimde yub nelèn nkwade Yaweh Nsi. Siañ Nebwôgde 22:5, mbèn mbùnde yen bètte li:
-
Numke a nke mbètte mbe be ghuaʼ ba mat nemaʼ nzwe mba nenabte wut tsʼa num ngù mbe mandum fude taʼ mènnzwi, mènnzwi bèn mfude taʼ mandum à?
Siañ 1 Korintô 10:32, 33 bo 1 Yohané 2:15, 16, mbèn mbùnde tshen mbètte li:
-
Zebe mat nenabte wut ben kuʼni neghùtni benntùn mbañ ben, ke fèt ben no; numke a mbètte nebe ke wag yennʼà ?
-
Benntùn nke maʼ nzwe mbèn nke nabte wut yub à ndùke ntùm yu tañlaʼ à ?
-
O kwade mbʼa bètte taʼ mènkristô ghuaʼ tsemoʼ mat nemaʼ nzwe netèt tshen nà ké? Numke?
Be kuʼni nemaʼ nzwe mba nenabte wut ben num mat nzenze tsʼa tsiañde ntù Yaweh Nsi là
TSEMOʼ BENNTÙN NUM NTSHOB MBE: “Me kuʼni nemaʼ mba zit nzwe lo ze me kô là.”
-
O bam yen mat nekwade là ké? Numke?
JU NETSHÙBE
Ngelañ be tshoʼ tsebe nzwe bo zenu là, be num mfà nkuʼni Yaweh Nsi mba tsemoʼo.
Mbètte nekwimde
-
Numke nzwe be num maʼ là mba mat be num nabte wut ben yi bʼa ju ndùb Yaweh Nsi à?
-
Tsit tun ntshùʼ Ñwaʼni Nsi kuʼni neywimde ben nenabte wut ben kuaʼ mebwô à?
-
Zebe mat nemaʼ nzwe kuʼni neghù à ke num mat ze benntùn mbe njen ghamde nelan yi à?
DIAGE
Yen ju ze tsemoʼ benntùn kuʼni nekwade mfà num o ngelañ bo yen yu mat nemaʼ nzwe là.
Ziʼde ju zʼa ghù a bʼa zenu nesiañde nu mfà num ntshoʼfaʼ ka ndoʼ mfiʼ nevèn ju num o là.
Ziʼde tsemoʼ tun ntshùʼ Ñwaʼni Nsi tsʼa kuʼni neywimdʼo neloʼ mbwô mfiʼ là.
“Ton habillement honore-t-il Dieu?” (La Tour de Garde, septembre 2016)
Taʼ mènnzwi zʼa naʼ nke nkô netsiañde ntù Yaweh Nsi là naʼ ziʼde nebam mat nemaʼ nzwe tsemoʼ à ndùke?
“Je croyais que la coquetterie était condamnable” (Réveillez-vous!, 22 décembre 2003)
