BAG I 19
Ghakwénta Yaweh Nsi bʼa benkristô tse nenùn ké?
Bag ghakwénta Yaweh Nsi, bag lèn mbe bag bʼa benkristô tse nenùne. Numke? Ziʼde njen dùʼ tsag ntswide, mba tshu bag be mbam nà be njéʼde là, mbèn njen yag tumlam lén, mba nkôni bag ghù netèt bag là.
1. Ntswide ghakwénta Yaweh Nsi nke njéʼdʼà num ke?
Yésu naʼ tshob mbe: “ntshob [Nsi] bʼa nenùne.” (Yohané 17:17) Mba Yésu là, ntswide ghakwénta Yaweh Nsi nke njéʼdʼà num Ntshob Nsi. Ntùm miagde ba nguʼnjù 1800, taʼ kum ghaziʼde Ñwaʼni Nsi naʼ toʼde netsweʼ ntun num ba nenùn Ñwaʼni Nsi. Tshob ntswide naʼ nke njéʼdʼà num Ñwaʼni Nsi, a be be ndù tshôssi naʼ nke ntswidʼà ju ghua. Ndùlà, bo naʼ toʼde neghabte tshen nenùn Ñwaʼni Nsi là boa tsemoʼo. *
2. Numke bo nke ntsiañ ben ghakwénta Yaweh Nsi à?
Yaweh Nsi naʼ tsiañ ghafaʼ tse mbe ghakwénta nummbe bo num ntswide nenùn mfà num i. (Héber 11:4–12:1) Mba mfiʼ là, ngelañ mbwe Yaweh Nsi naʼ tshob ben tse mbe: “Bin bʼa tshàm ghakwénta.” (Siañ Esaya 43:10.) Ñwaʼni Nsi tshwèt ntsiañ Yésu mbe “ngakwénta ze nenùne”. (Apokalipse 1:5) Ndùlà, ntùm nguʼ 1931 bag ket lén Ghakwénta Yaweh Nsi. A bʼa taʼ nkuʼni ndùb bag neket sen lén nà.
3. Ghakwénta Yaweh Nsi nke mfiʼde nkôni Yésu à ndùke?
Yésu naʼ kô ghaziʼde nu i kà nke njen yub mba ze tunndà là. (Siañ Marko 3:35.) Be ndañndañ, ghakwénta Yaweh Nsi bʼa taʼ tunndà ndùb ze ntamde netèt bo là ntùm njù sagkuà. A ju zʼa ghù bag bʼa fètfèt tse bandum mba tse bènnzwi là. (Filémon 1, 2) Bag num nze yen ntshùʼ li: “Bin [...] nkô njoñ fètfèt fa.” (1 Pétro 2:17) Ghakwénta Yaweh Nsi num ndaʼde yub nkôni bo mat nzenze, mba neywimde fèt tshob tse bo be ntùm ngùtni ntùm njù sagkuà là.
TSWEʼ NTUN MI
Diag nelèn tshô ghakwénta Yaweh Nsi, mbèn njen tshu tsʼa tshwèt ndaʼde mbe bag bʼa kuaʼ benkristô tse nenùn nà.
Ntswide benkristô tse nenùn nke njéʼdʼà num Ñwaʼni Nsi, bo num mbèn ngabte tshen ntswide là boa tsemoʼo
4. Tshag ntswide nke njéʼdʼà num Ñwaʼni Nsi
Yaweh Nsi naʼ soñ mbe nkaʼ nenùn Ñwaʼni Nsi aʼ ziag. Siañ Daniel 12:4 mbèn ndôde kide tun fe, mbe miagde mbùnde yen bètte li:
-
Ke zʼa “nsi kwiʼde” netèt ghafaʼ Nsi ngelañ bo nèn mbwe neziʼde Ñwaʼni Nsi à?
Yen mba taʼ kum ghaziʼde Ñwaʼni Nsi, bo Charles Russell, taʼ i netèt bo naʼ nziʼde Ntshob Nsi là. Lôde LAʼDE NETSHAÑ, mbèn mbùnde tshen mbètte li.
-
Ntùm laʼde netshañ, Charles Russell boa tsemoʼ ghaziʼde Ñwaʼni Nsi naʼ nke nziʼde Ñwaʼni Nsi à ndùke?
O naʼ lèn ké?
Tsemoʼ ngelañ, bag num naʼ ntsiagde tshag ntswide. Numke? Ndañndañ mba lagnyam tshwèt nkéʼé, nziag tà nèn nkum netèt léʼnjù là, Nsi num njwimde be nejuʼ tsemoʼ ntswide Ñwaʼni Nsi à me ndaʼndaʼ. (Siañ Tànkùt 4:18.) Ndùlà, a be be ndù Ñwaʼni Nsi keʼ be bade, bag num ntsiagde tshag ntswide ngelañ yag mat nejuʼ Ñwaʼni Nsi bwô nèn mbwe là.
5. Yag kuzin be nzin nku ntshùʼ bo lén bag num nket là
Bag nke nket lén ghakwénta Yaweh Nsi à numke? Lôde LAʼDE NETSHAÑ, mbèn mbùnde yen bètte li.
-
Lén ghakwénta Yaweh Nsi ghwù lag à numke?
Yaweh Nsi tshoʼ benntùn bo be tse ghakwénta à numke? Nummbe boaʼ tswide nenùn mfà num i, ndèn mbe benntùn tshob tatte yàm num lén se. Be yen tse bàa netèt tshen ntatte là.
Tsemoʼ tshôssi num ntswide mbe Nsi kô mbe bo ghamdʼé bo ba neto. Ndaʼndù, siañ Lévitiko 26:1, mbèn mbùnde tshen mbètte li:
-
Ke ze Ñwaʼni Nsi tshwèt ntswide mfà num ba neto à? Yaweh Nsi nke njen ghamde neto à ndùke?
Tsemoʼ tshôssi num ntswide mbe Yésu bʼa Nsi. Ndaʼndù, siañ Yohané 20:17, mbèn mbùnde tshen mbètte li:
-
Ke ze Ñwaʼni Nsi tshwèt ntswide mfà num Nsi bo Yésu à? Nsi bo Yésu bʼa mèn ntshùʼ ké?
-
Nelèn mbe Yaweh Nsi tum tse ghakwénta bo soñ nenùn mfà num i mba num Mén i tshwèt ngù o juʼ wul o à ndùke?
6. Bag ghù nkôni netèt bag
Ñwaʼni Nsi tshwèt ntàmde benkristô bo ba bag wut mènntùn nyiañtu. Siañ 1 Korintô 12:25, 26, mbèn mbùnde tshen mbètte li:
-
A bètte benkristô tse nenùn ghù à ndùke ngelañ taʼ mènntùn netèt bo tshwèt njen ngeʼ à?
-
Ke zʼo kuʼni netshob mfà num nkôni o yen netèt ghakwénta Yaweh Nsi à?
Ngelañ ghakwénta Yaweh Nsi num njen ngeʼ ntùm taʼ bag njù là, be ndùse, njoñ fèt tshob fa ntùm njù sagkuà ywimde yube. Neyen taʼ mfiʼ, lôde LAʼDE NETSHAÑ. Mbèn mbùnde yen bètte li.
-
Faʼ neywimde ze ghakwénta Yaweh Nsi num ngù là nke ndaʼde nkôni à ndùke?
Benkristô tse nenùn num ndaʼde nkôni ben bo be ntùm ngùtni là
TSEMOʼ BENNTÙN NUM NTSHOB MBE: “Ghakwénta Yaweh Nsi bʼa taʼ tshôssi nswe.”
-
Yaweh Nsi toʼde netsiañ ghafaʼ tse mbe ghakwénta à num zit ngelañ à?
JU NETSHÙBE
Ghakwénta Yaweh Nsi bʼa benkristô tse nenùne. Bag bʼa taʼ tunndà ndùb ntùm njù sagkuà. Tshag ntswide nke njéʼdʼà num Ñwaʼni Nsi. Bag num mbèn ntswide nenùn mfà num Yaweh Nsi tsemoʼo.
Mbètte nekwimde
-
Bag nke nket lén ghakwénta Yaweh Nsi à numke?
-
Bag nke ndoʼ fèt tshag à ndùke?
-
O kwade mbe ghakwénta Yaweh Nsi bʼa benkristô tse nenùn ké?
DIAGE
Ziʼde yàm mfà num tshô ghakwénta Yaweh Nsi.
Les Témoins de Jéhovah. La foi en action, 1re partie : La sortie des ténèbres (1:01:27)
Yen mba ghakwénta Yaweh Nsi naʼ nsoñ nenùn mfà num ba ntswide kebwô là.
Fon mbùnde mbètte tse moʼndù o yà toʼ bètte wul o mfà num ghakwénta Yaweh Nsi là.
“Questions fréquentes sur les Témoins de Jéhovah” (ñwaʼni num jw.org)
Stephen naʼ mbʼa taʼ fimtshu mbèn nke nkô mvamva. Siañ ju zʼa yen netèt ghakwénta Yaweh Nsi, a ywimdʼé nebade là.
“Ma vie allait de plus en plus mal” (La Tour de Garde, 1er juillet 2015)
^ Netoʼde num nguʼ 1879, zebe nkam buʼ ñwaʼni ze ndùb, Ndiañ Ntom, naʼ toʼde nesoñ ba nenùn Ñwaʼni Nsi.
