LES 17
Fa Yesus de?
Den sani di Yesus taki èn di a du di a ben de na grontapu e yepi wi fu kon sabi den moi fasi fu en. Disi e meki taki wi wani tron mati fu en nanga en Papa, Yehovah. Sortu fasi Yesus abi? Fa wi kan sori den srefi fasi leki Yesus?
1. Fa Yesus de leki en Papa?
Milyunmilyun yari Yesus ben de makandra nanga en Papa na ini hemel èn a si fa a ben e du sani. Dati meki a e denki leki en Papa, a abi den srefi fasi leki en èn a e du sani neleki en. (Leisi Yohanes 5:19.) Fu di Yesus e sori den srefi fasi neleki en Papa, meki a ben man taki: „A sma di si mi, si a Tata tu” (Yohanes 14:9). O moro yu e leri fu Yesus, o moro yu o kon sabi Yehovah. Fu eksempre, a sari-ati di Yesus ben abi gi sma e sori taki Yehovah e broko en ede nanga yu.
2. Fa Yesus sori taki a lobi Yehovah?
Yesus ben taki: „Fu meki grontapu sabi taki mi lobi a Tata, meki mi e du san a Tata taigi mi fu du” (Yohanes 14:31). Di Yesus ben de na grontapu a ben sori taki a ben lobi en Papa, fu di a ben tan gi yesi na en awinsi a ben muilek fu du dati. A ben lobi fruteri trawan fu en Papa tu èn a ben e yepi den fu tron mati fu en.—Yohanes 14:23.
3. Fa Yesus sori taki a lobi sma?
Bijbel e taki dati Yesus ’lobi libisma srefisrefi’ (Odo 8:31). Fa a sori lobi gi sma? A ben e gi den deki-ati èn a ben e yepi den. A ben e du wondru di ben sori taki a ben abi makti èn taki a ben e firi gi sma (Markus 1:40-42). A ben e sori switifasi gi ala sma. Den sani di a ben taki ben trowstu den sma di ben arki en èn a ben gi den howpu. Fu di Yesus ben lobi libisma meki a ben de klariklari fu nyan pina èn fu dede gi den. Ma a abi moro lobi gi den sma di e du san a leri den.—Leisi Yohanes 15:13, 14.
SORTU TRA SANI YU KAN LERI?
Wi o leri moro fu den moi fasi fu Yesus. Yesus ben lobi sma èn a ben lobi gi sma sani. Wi o si fa wi kan de neleki en.
4. Yesus lobi en Papa
Yesus leri wi fa wi kan sori lobi gi Gado. Leisi Lukas 6:12 nanga Yohanes 15:10; 17:26. Baka te yu leisi ibri tekst, dan taki fu na aksi disi:
-
Fa wi kan sori taki wi lobi Yehovah, neleki Yesus?
Yesus ben lobi en Papa èn a ben lobi taki nanga en
5. Yesus e firi gi sma di de na nowtu
A ben moro prenspari gi Yesus fu yepi sma di de na nowtu, leki fu du en eigi sani. Srefi te a ben weri, a ben gebroiki en ten nanga en krakti fu yepi sma. Leisi Markus 6:30-44 èn taki fu den aksi disi:
-
Fa Yesus sori taki a e broko en ede nanga trawan?—Luku vers 31, 34, 41, nanga 42.
-
Fu san ede Yesus ben e yepi sma?—Luku vers 34.
-
Te yu luku den fasi di Yesus ben abi, dan san disi e leri yu fu Yehovah?
-
Fa wi kan sori taki wi e broko wi ede nanga trawan, neleki Yesus?
6. Yesus ben lobi gi sma sani
Yesus ben lobi gi sma sani, aladi a no ben abi furu. A e gi wi deki-ati fu gi sma sani tu. Leisi Tori fu den apostel 20:35 èn taki fu na aksi disi:
-
Soleki fa Yesus taki, dan fa wi kan de koloku?
Prei a FELEM èn taki fu na aksi disi:
-
San wi kan gi sma awinsi wi no abi furu?
Yu ben sabi a sani disi?
Bijbel e leri wi fu begi Yehovah na ini Yesus nen. (Leisi Yohanes 16:23, 24.) Te wi e begi so, dan wi e sori taki wi de nanga tangi gi den sani di Yesus du fu yepi wi fu tron Yehovah mati.
SON SMA E TAKI: „Gado no e span nanga wi, awinsi a e si taki wi e pina.”
-
Yesus abi den srefi fasi fu en Papa. Sobun, fa den sani di a du e sori taki Yehovah e broko en ede nanga wi te wi e pina?
SAN YU LERI?
Yesus lobi Yehovah èn a lobi sma. Yesus abi den srefi fasi leki en Papa. Sobun, o moro yu e leri fu Yesus, o moro yu o kon sabi Yehovah.
Fa yu ben o piki den aksi disi?
-
Fa wi kan sori taki wi lobi Yehovah, neleki Yesus?
-
Fa wi kan sori taki wi lobi sma, neleki Yesus?
-
Sortuwan fu den fasi fu Yesus yu lobi moro?
TRA SANI DI YU KAN LUKU
Dyaso yu kan leisi fu wan tu fu den fasi fu Yesus. Wi kan du muiti fu kon abi den fasi disi.
„Teki na eksempre fu Yesus” (Yesus—En na a pasi, en na san tru, en na a libi, bladzijde 317)
Na artikel disi e sori fu san ede wi musu begi na ini Yesus nen.
„Fu san ede wi musu begi na ini a nen fu Yesus?” (A Waktitoren, 1 februari 2008)
Bijbel e sori wi fa Yesus en fesi nanga en skin ben tan?
Na ini na artikel disi wi o si fa Yesus ben si umasma.
„Gado e lespeki umasma èn a e gi den grani” (A Waktitoren, 1 september 2012)
