Sma na heri grontapu abi difrenti denki fu sopi. Son sma e dringi sopi wanwan leisi te den de nanga den mati fu den. Tra sma no e dringi sopi srefisrefi. Ma yu abi tra sma di e dringi so furu sopi taki den e drungu. San Bijbel e taki fu sopi?

1. A fowtu fu dringi sopi?

Bijbel no e taki dati wi no mag dringi sopi. A e taki dati sopi na wan fu den kado di Gado gi wi. Psalm 104:14, 15 e taki: „Yu e gi libisma win, so taki den ati kan prisiri.” Son anbegiman fu Gado na ini Bijbel ten ben dringi sopi.​—1 Timoteyus 5:23.

2. Sortu rai Bijbel abi gi sma di wani dringi sopi?

Yehovah no wani taki wi dringi tumusi furu sopi èn taki wi dringi sopi teleki wi drungu (Galasiasma 5:21). Bijbel e taki: „No tron wan fu den sma di e dringi win pasa marki” (Odo 23:20). Efu wi o dringi sopi awinsi wi wawan de, dan wi no musu dringi so furu taki wi no man denki krin moro. Efu wi ben o dringi tumusi furu sopi, dan dati kan meki wi taki noso du don sani. Wi kan kon siki srefi. Efu wi no man hori wisrefi, dan a moro bun taki wi no dringi sopi srefisrefi.

3. Fa wi kan lespeki a bosroiti di tra sma teki fu dringi sopi noso fu no dringi sopi?

Ibri sma musu bosroiti gi ensrefi efu a o dringi sopi. Wi no musu krutu sma di e dringi pikinso sopi èn wi no musu dwengi sma fu dringi sopi efu den no wani du dati (Romesma 14:10). A ben o moro bun fu no dringi sopi efu dati ben o trobi a konsensi fu trawan. (Leisi Romesma 14:21.) Wi no musu suku ’wi eigi bun, ma wi musu suku a bun fu trawan’.​—Leisi 1 Korentesma 10:23, 24.

 SORTU TRA SANI YU KAN LERI?

4. Fa yu kan sabi efu yu musu dringi sopi noso efu yu no musu dringi?

Fa Yesus ben e denki fu sopi? Fu feni a piki, dan luku a fosi wondru di a du. Leisi Yohanes 2:1-11 èn taki fu den aksi disi:

• Te wi e luku a wondru disi, dan fa Yesus e denki fu sopi èn fu den sma di e dringi sopi?

• Soleki fa wi si, dan Yesus no e feni en wan fowtu sani te sma e dringi sopi. Sobun, fa wan Kresten musu si wan sma di e dringi sopi?

Aladi wan Kresten mag dringi sopi, toku son leisi a no de wan koni sani fu du dati. Leisi Odo 22:3 èn luku efu a ben o de wan koni sani fu dringi sopi na ini den situwâsi disi:

• Yu o rèi wan wagi noso yu o wroko nanga wan masyin.

• Yu de nanga bere.

• Datra taigi yu fu no dringi sopi.

• Yu no man hori yusrefi te yu si sopi.

• Den wet fu a kondre e taki dati yu no mag dringi sopi.

• Yu de nanga wan sma di bosroiti fu no dringi sopi fu di a ben dringi furu sopi fosi.

Yu musu prati sopi efu yu o trow noso efu yu o hori wan fesa? Efu yu wani sabi san yu musu du, dan prei a FELEM.

Leisi Romesma 13:13 nanga 1 Korentesma 10:31, 32. Baka te yu leisi ibri tekst, dan taki fu na aksi disi:

• Fa a tekst disi kan yepi yu fu teki wan bosroiti di Yehovah feni bun?

 5. Fa yu kan sabi o furu yu musu dringi?

Efu yu bosroiti fu dringi sopi, dan hori a sani disi na prakseri: Yehovah no taki dati wi no mag dringi sopi, ma a no feni en bun te wan sma e dringi tumusi furu sopi. Fu san ede? Leisi Hosea 4:11, 18 èn taki fu na aksi disi:

• San kan pasa te wan sma e dringi tumusi furu sopi?

San kan yepi wi fu no dringi tumusi furu sopi? Yu musu de eerlijk nanga yusrefi èn yu musu luku efu yu na wan sma di no man hori ensrefi. Sakafasi o yepi yu fu du disi. Leisi Odo 11:2 èn taki fu na aksi disi:

• Fu san ede a bun fu bosroiti na fesi o furu yu o dringi?

6. San kan yepi yu fu tapu nanga sopi?

 SAN YU LERI?

Sopi na wan kado di wi kisi fu Yehovah, ma a no lobi en te wi e dringi tumusi furu sopi noso te wi e dringi teleki wi drungu.

Fa yu ben o piki den aksi disi?

• San Bijbel e taki fu sopi?

• San kan pasa efu wi dringi tumusi furu sopi?

• Fa wi kan sori lespeki gi a bosroiti di wan sma teki fu dringi sopi noso fu no dringi?