Ala sma wani mati di de eerlijk. Yehovah wani taki den mati fu en de eerlijk tu. Ma a no makelek fu de eerlijk na ini wan grontapu pe furu sma lobi lei. Sortu wini wi o kisi te wi de eerlijk ala ten?

1. San na a moro prenspari reide fu san ede wi musu de eerlijk?

Te wi de eerlijk nanga tra sma, dan wi e sori Yehovah taki wi lobi en èn taki wi e lespeki en. Hori na prakseri taki Yehovah sabi ala san wi e denki èn san wi e du (Hebrewsma 4:13). A e si te wi de eerlijk èn dati e meki taki a e prisiri. Bijbel e taki: „Yehovah e tegu gi sma di e bedrigi trawan, ma a de bun mati nanga den sma di ati krin.”​—Odo 3:32.

2. Fa wi kan sori taki wi de eerlijk?

Yehovah wani taki ’wi musu taki san tru te wi e taki nanga makandra’ (Sakaria 8:16, 17). Fa wi kan du disi? Te wi e taki nanga wi famiri, sma na wrokope, den brada nanga sisa fu a gemeente, noso lantiman, dan wi no musu lei èn wi no musu pruberi fu kori den. Sma di de eerlijk no e fufuru èn den no e du kruka sani. (Leisi Odo 24:28 nanga Efeisesma 4:28.) Den e pai ala den belasting di den musu pai (Romesma 13:5-7). Disi na wan tu fasi fa wi kan sori taki wi de eerlijk. Bijbel e taki dati wi musu „du ala sani nanga wan krin ati”.​—Hebrewsma 13:18.

3. Sortu wini wi o kisi te wi de eerlijk?

Te trawan sabi taki yu de eerlijk, dan den o frutrow yu. Te ala sma na ini a gemeente de eerlijk, dan wi o de leki wan famiri èn wi o frutrow makandra. Te yu de eerlijk yu o abi wan krin konsensi tu. Yu o „moi a leri fu Gado, wi Frulusuman” èn yu o meki taki tra sma o wani kon dini Yehovah.​—Titus 2:10.

 SORTU TRA SANI YU KAN LERI?

5. Ala ten wi musu de eerlijk

 6. Wi e kisi wini te wi de eerlijk

Te wi de eerlijk, dan son leisi a kan tyari problema kon gi wi. Ma toku a moro bun fu de eerlijk, fu di te fu kaba a o tyari wini kon gi wi. Leisi Psalm 34:12-16 èn taki fu na aksi disi:

• Fu san ede yu o abi wan moro bun libi te yu de eerlijk?

1. Te masra nanga wefi de eerlijk, dan den o abi wan bun trowlibi

2. Te wrokoman de eerlijk, dan den basi o frutrow den

3. Te wi de eerlijk, dan wi no o kon na ini problema nanga lanti

SAN YU LERI?

Yehovah wani taki den mati fu en de eerlijk ala ten.

Fa yu ben o piki den aksi disi?

• Fa wi kan sori taki wi de eerlijk?

• Fu san ede na wan don sani fu denki taki wi man kibri wan tori gi Yehovah?

• Fu san ede yu wani de eerlijk ala ten?