Ne jiʼte Bible be a ghe mtsupé, daʼge a fing ne takte pe mou pfe ywe goung tam awè. She mtchwe, o fing ne pe hente be ye o gô khouʼgne ne pe jiʼte Bible ne ghô pe dze a. Nweke a tcheng ge o kaktuô ne pe de jiʼte Bible gô pe dze ? Ke fing ne kwite o ne kaktuô ba m be ye mketuʼ si a ?

1. Nweke ne jiʼte Bible be mtuôdeng ?

“Ghôm Si be a tchwe tuô, guʼ pe ne.” (Ébraika 4:12) Bible be mtuôdeng nekele, a daʼte mkwègne Si, ba koungne ye é ghe ne o a. A kwite o ne jye medou potse, ne ghe jyenwe nyenyô ba ne ghe potse pepoung tsye o fing ne pyap ne mtyèʼdzu dze a. Ye ywe mtuôdeng téʼ be ge, Bible kwite o ne ji so Jéova. Tchwe ye o jiʼte Bible a, o thak ge guʼ é kwite o ne ghe taʼ tchi ne tchwe pepoung.

2. Nweke a be mtuôdeng ne jye ge nyenyô Bible be a ghe deng ?

Mnyenyô mye a be tchum Bible a, tchwe paʼ mtôktchye mtuôdeng a. Ya né gre te Bible pe ha kaktuô bi pe ge : “Yo nyenyô ke neng daʼ fing ya.” (Mghôm jyenwe 23:23) Tchwe ye pe dwôʼ tchum mkwègne môkpe deng ye a be nyenyô Bible ghe a, pe tchente faʼ a ne pe jiʼte ya ne gô pe dze—ba m be ye mketuʼ si a.—Ké Mghôm jyenwe 2:4, 5.

3. Jéova fing ne kwite o ne le you jiʼte Bible gô pe dze m tchi ge ke ?

Ne paʼ Jéova be Gè Pem o, Gè Mtuô awè neng be So o a, é bo tcheng ne kwite o ne lagne ne jye é. É fing ne ghe ge “[ji] ne tcheng pe ne o” neng “ha guʼ” bou ne ne jiʼte Ghôm tsye. (Ké Filipo 2:13; 4:13.) Poʼo, a pe she mtam bo tcheng kaktuô bou ne ne jiʼte ywe, ke ne ne ging ne ywe ye o bo dagne a le, be é fing ne kwite o. A pe ge a bo bing tcheng guʼ bou ne ne doʼ mketuʼ, ke ne ne sôk paʼ pou de o djô goʼ ne nyenyô a le, be é fing ne ha ya bou. Pe goung tam awè, be do tchum priya ge Jéova kwite o ne le you jiʼte Bible gô pe dze.—1 Tésalonika 5:17.

 PING TCHENG NE GÔ DZE

4. Ghe ge you jiʼte Bible pe ywe mtuôdeng téʼ bou

She mtam, pe fing ne ghe medou potse tsye pe gô faʼ a, te a ghe ge pe kwè ge pe ka ghe tam ne jiʼte Bible. Ke fing ne kwite ? Ké Filipo 1:10, neng gômte ne mhente menge :

• Ne you ne yô, she ne “potse tsye a be mtuôdeng téʼ” tchum tsôkpe vôk a be ma ?

• O fing ne ghe la ne ne daʼte ge you jiʼte Bible be mtuôdeng téʼ bou ?

1. O ning sansang tchum taʼ lounga te bing thela ne ning mghwôʼ tchum o, be mwôʼ te gô ko pe

2. O neng dendze ning mghwôʼ, be tsuʼ gô pe si ne ne tchente ning sansang. Dendeng poʼo, o yap “potse tsye a be mtuôdeng téʼ a” ne dendze tsuʼ tchum vôk tsu, be o gô kouʼgne ne ghe ma neng kwiʼ ghe tam ne gre pyeshe potse

Jiʼte Bible dogne yôkpe ji potse jwégne—yôkpe ji ne jye Si ba ne ghamte é. Ké Matio 4:4, neng gômte ne hente yenge :

• Pe dzu pé ke tchwe ye pe gre ge jiʼte Bible pe ywe mtuôdeng téʼ bi pe a ?

 5. Kaktuô ba m be ye pou bo kengne ge o ke jiʼte Bible a

6. Sè pe ne kwite Jéova

 YE NE KHAMTE

Ba m be ye a te be goung tam awè be mou pfe ywe a pe, ne jiʼte Bible fing ne kwite o ne tchwe mama. Pe sè ne Jéova ne gô pe dze, é gô neng tchwôʼ faʼ o.

O lagne ke ?

• Nweke mnyenyô Bible be mtuôdeng bou ?

• O fing ne laʼte ge ne jiʼte Bible be ywe mtuôdeng téʼ bou m tchi ge ke ?

• Nweke a tcheng ge o pe hente bi Jéova ge é pe kwite o ne le you jiʼte Bible gô pe m dze ?