JIʼTE 38
Ning deng ne poutchi vôk
Medou potse be si tsye pe fing ne ghe, a neng ha ŋwègne bi pe tchum vôk tsôkpe a. Ba m tchwe ye pe be tchum mnwe a, she potse fing ne ghe ge pe ŋwègne. Pe fing ne laʼte bi Jéova ge pe goʼte poutchi vôk m tchi ge ke ? Ye ywe m tuôdeng téʼ ye a gô neng tsegne wôkpe ne ghe ya bô a be ke ?
1. Nweke a tcheng ge pe ning deng ne vôk ?
A tcheng ge pe ning deng ne vôk nekele, a be taʼ poutchi be fe m bi Ta koungne yôkpe, Jéova. É be mo ye ‘vôk fe m biiʼ a—é be é pem goung mvôk awè. (Mghôm ghamte 36:9) “É ha vôk pou jwégne, pou a goung ywe awè.” (Mfaʼ 17:25, 28) Jéova ha ywe ye a tcheng bi pe te pe ne be a tse vôk a. É neng gre ba ge pe kouʼgne ne tsu pé ne vôk.—Ké Mfaʼ 14:17.
2. Pe fing ne laʼte bi Jéova ge pe ning deng ne poutchi vôk m tchi ge ke ?
Te thoʼ fe tchwe ye mema tsu le feng o a, Jéova le toʼ ne lé o. Tchum taʼ priya ye a be Jéova ning tchum Ghôm tsye a, David, taʼ mo ne mghè faʼ pye le ghôm bii ge : “Mnye mou le yô a tchwe ye de dje taʼ mouywe pem, bo te thoʼ ne tcheng tchum vam a.” (Mghôm ghamte 139:16) Vôk tsu be m tuôdeng téʼ bi Jéova. (Ké Matio 10:29-31.) A bya mo jwe mouʼ mo, ke jwe ne é le, be a gô yè Jéova. * (Ne tem 20:13) A gô ping yè ba Jéova, be ye pe ghe taʼ ywe ye a fing ne ghe ge pe pi vôk tsôkpe a, ke be ye pe ka ghe potse ne ne bômte vôk pyeshe pô a le. Tchwe ye pe tchente dé beng ne yôkpe, neng gre mkouʼ ne vôk pyeshe pô a, pe daʼte ge pe ning deng ne vôk, ye a be taʼ poutchi tuôdeng a.
PING TCHENG NE GÔ DZE
Yô tchi paʼ o fing ne laʼte ge o ning deng ne poutchi vôk a.
3. Pe dé beng ne o
Ne paʼ pe khaʼgne bi Jéova ne pe goung mtam awè gre ywe ye é tcheng a, pe gwim goung vôk tsôkpe awè ne ne faʼ bii. A tchwe paʼ tchwe ye pe ha mne môkpe paʼ taʼ nounpwôʼ bi Si a. Ké Roma 12:1, 2, neng gômte ne mhente menge :
-
Ke gô tsegne o ne pe dé beng ne o ?
-
O fing ne ghe ya m tchi ge ke ?
4. Ghe potse ne ne bômte beng ne o, ba ye pyeshe pô
Bible ha kaktuô bi pe ne tchyete pe gre potse tsye a fing ne ghe ge pe ghe mfing, ke jwe wôkpe; ke ba pyeshe pô a le. Yô VIDÉO ne ne dagne she potse tsye o fing ne ghe te ne bômte beng ne o a.
Ké Mghôm jyenwe 22:3, neng dou gômte ne tchi paʼ o fing ne pômte ne o, ba ye pyeshe pô . . .
-
tchum dye.
-
tsuʼ ne faʼ a.
-
tchwe ne ghe spôr.
-
tchwe ye o bo feng metwa ke kwè a, ke mouʼ mo né po feng o a le.
5. Ke ghe sômywe tchwepoung ne vôk taʼ mou ye é dje tchum vam a
David le ghôm ge, goung potse tsye a tchyete tchwe ye taʼ mou bo kwye tchum vam map é a, tchente theng Jéova. Ké Mghôm ghamte 139:13-17, neng gômte ne hente yenge :
-
Ne ye ne yô Jéova, vôk taʼ mo thoʼ tchwe ye pou dze é a, ke tchwe ye map é kwa tsum é a ?
Mtchoʼ Jéova bi po a Israèl tchwedze le bômte m mue po, ba po pap pye wap le dje tchum vam a. Ké Ne tem 21:22, 23, neng gômte ne mhente menge :
-
Tchwe ye mo le gre ge taʼ mou tchum vam pfu, te po jye a, Jéova le djô é m tchi ge ke ?
-
É le gô youʼ ne é m tchi ge ke be ye mo ne ghe ya be jye a ? *
-
O sè you ge ke ne tchi paʼ Jéova ne djô ya a ?
Ba taʼ mdjwi ye é tchente jye ge vôk be a ghe deng a, fing ne kwè ge ne té mou be daʼ ywe ye é fing ne ghe a. Ké Izaya 41:10, neng gômte ne mhente menge :
-
A pe ge pou bo tsegne taʼ mdjwi ne té mou, be a tcheng ge é hente kwite bi we ? Nweke ?
SHE PÔ GÔM GE : “Taʼ mdjwi fing ne le khète ne té mou—a be ne é.”
-
Ke gre ge o tchente bing ge Jéova ning deng ne vôk taʼ mema, ba ne vôk mou ye é vam é a ?
YE NE KHAMTE
Bible dagne wôkpe ne pe khoung, gre mkouʼ, neng bômte vôk, poutchi ye Jéova ha bi pe a. Pe gô ghe ya ne vôk tsôkpe, ba ne vôk pyeshe pô.
O lagne ke ?
-
Nweke vôk momsoung be a ghe deng téʼ bi Jéova ?
-
Jéova djouʼ ne é m tchi ge ke tchwe ye mo gre ge mouʼ mo pfu, ne ghe be jye a ?
-
Nweke o goʼte poutchi vôk ?
YÔ SHE POTSE NE
Pe fing ne ghoʼte Jéova ne poutchi vôk m tchi ge ke ?
Yô paʼ ne hente yenge : Si gô tchousi taʼ mdjwi ye é té mou a ?
Ne lagne tchi paʼ Jéova ne djô vôk a, gô kwite wôkpe ne tchi potse ne fye mye a te gô ghe ywe tchwepoung ne pe a pe.
“‘Sports de lʼextrêmeʼ : doit-on faire abstraction des risques ?” (Réveillez-vous !, 8 octobre 2000)
Yô tchi paʼ Bible fing ne kwite taʼ mo ye é bo sè ne jwe ne é a.
“Je veux mourir — Est-ce que la Bible peut mʼaider si jʼai des idées suicidaires ?” (Ne jw.org)
^ Jéova tchente dé pô pye mtum map bo djè a. (Mghôm ghamte 34:18) É tchente djouʼ pô pye wap jwing téʼ, te bo tcheng ba ne pfu a, neng bo tcheng ne kwite wap. Ne ne djô tchi paʼ kwite é fing ne ha guʼ ne tchyete jwe ne é, bi taʼ mo ye é bo tcheng ne pfu a, ké artikle “Je veux mourir — Est-ce que la Bible peut mʼaider si jʼai des idées suicidaires ?”, ye a tchum jeng “Yô she potse ne”, tchum jiʼte yenge a.
^ A te tcheng ge pô pye wap le fe thé mou a, pe djwing téʼ pe—Jéova fing ne tchousi yap. Ne ne bing jye potse ne, ké artikle “Lʼavortement : quʼen dit la Bible ?” ye a tchum jeng “Yô she potse ne” tchum yeng jiʼte a.
