JIʼTE 36

Pe dendeng ne goung ywe awè

YOU’ NE

Goung pô awè tcheng mso pye wap be dendeng a. Ba Jéova ye tcheng ge mso pye pe dendeng. Daʼge, a te be mou pfe ywe tchum taʼ dzu ye medou pômneng te be dendeng a pe. Ne pe dendeng ne goung ywe awè ha ma mtsupé ?

1. Ye ywe m tuôdeng téʼ ye a gô ghe ge pe pe dendeng a be ke ?

Tchwe ye pe be dendeng pou a pyeshe pô a, pe daʼte bi Jéova ge pe khoung é, ba ge pe ha mkouʼ mye. Yô : Jéova be é jye goung tse tsye pe kwègne a, ba goung tse tsye pe gre a. (Ébraika 4:13) É djô tchwe ye pe tchi ne pe dendeng a, neng goʼte ya. Ghôm tsye gôm ge : “Jéova bô mo ye é gre fu téʼ a, daʼge be so tchuô pou a pô dendeng.” —Mghôm jyenwe 3:32.

2. Tchum yôkpe tchi ne tchwe, pe fing ne ghe la ne daʼte ge pe be dendeng ?

Jéova gôm bi pe ge : “po ghôm nwe nyenyô tchetche po.” (Zakari 8:16, 17) A thoute ge ke ? A thoute ge, ke pe bo gôm nwe bi pô toundye yôkpe, pô tsuʼ faʼ pe, bi mfe pôkpe tchum bemte, ke bi pô gôpnaʼ le; pe te gô tchwanwe pe, pe le neng gôm ywe ye a gô fute wap a. Pô pye wap be dendeng a te ju pyeshe pô pe, wap le neng be fute mo, kwi potse tsye. (Ké Mghôm jyenwe 24:28 ba Éféso 4:28.) Wap neng bé goung mtaksi awè mye a tcheng ge wap pé a. (Roma 13:5-7) Ne mtchi ne ghe menge ba m ne she, pe “ging pepoung ne goung ywe awè.”—Ébraika 13:18.

3. Ne pe dendeng ha ma mtsupé ?

Tchwe ye pyeshe pô jye wôkpe paʼ taʼ mo ye é be dendeng a, wap djap tum ne pe. Pe kwite goung pô awè tchum bemte ne tchwe te pwôk, ba ne youʼ ne yap tchum taʼ toundye koungne. Pe gre ŋwègne ne ghe taʼ saʼtum dôlô. Yôkpe ne pe dendeng fing ba ne ning “mkouʼ . . . ne jiʼte Si Gè vôk wôkpe,” neng ha ji bi pyeshe pô ne ghamte Jéova.—Tito 2:10.

PING TCHENG NE GÔ DZE

Yô ywe ye ne pe dendeng gre ne Jéova, ba m ne o a, neng dagne tchi paʼ o fing ne pe dendeng ne tchitchi mnwe mye a ŋwak a.

4. Ne pe dendeng ŋwègne bi Jéova

Ké Mghôm ghamte 44:21 ba Malaki 3:16, neng gômte ne mhente menge :

Nweke o kwè ge, ne sè ge pe fing ne tumgne nyenyô te be ne laʼte jyenwe a ?
O kwè ge Jéova djouʼ ne é m tchi ge ke tchwe ye pe tchi ne ghôm nwe nyenyô, ba m tchwe ye a tuô ne ghe ya a ?

Tchwe ye pekhu gôm nwe nyenyô a, wap gre ge mta pap ŋwègne. Tchwe ye pe gôm nwe nyenyô a, pe gre ge Jéova ŋwègne

5. A tcheng ge o pe de dendeng gre nwe goung mtam awè

Medou pô sè ge pou ka fing ne pe goung mtam awè be dendeng. Daʼge yô nweke a tcheng ge pe pe dendeng goung mtam awè a. Yô VIDÉO.

VIDÉO: Potse tsye a gre ge pe ghe ŋwègne a—Taʼ saʼtum a le po saʼ wôkpe ne sômywe tchwepoung (2:32)

Ké Ébraika 13:18, neng dou gômte ne tchi paʼ pe fing ne pe dendeng . . .

pou a toundye yôkpe a.
tsuʼ faʼ, ke sekou le.
tchwe ye pe tchum she mnwe a.

6. Ne pe dendeng ha mtsupé bi pe

Ne pe dendeng fing ne le mnwe sôʼ ne pe. Daʼge tam ne tchye, pe yô ge a be a ye ywe pepoung ye pe gô ghe a. Ké Mghôm ghamte 34:12-16, neng dou gômte ne hente yenge :