JIʼTE 41
Bible gôm ge ke ne ne noung pou a mo ?
Medou pô djouʼ tchwepoung ne ghôm nwe ne ne noung pou a mo. Daʼge tchwe ye Bible gôm nwe ne ne noung pou a mo a, a gôm nwe ne kwaʼ dendeng, neng de mkouʼ te ne gôm. Ywe ye a gôm ne a kwite wôkpe. A te gô tchye wôkpe pe, nekele Bible fe m bi Jéova, yu ye é be Gè Pem yôkpe a. Poʼo, é be é jye ywe ye a be ye pepoung téʼ bi pe a. É daʼte wôkpe ywe ye pe fing ne ghe, a poung é a, ba ywe ye a gô kwite wôkpe ne tchwe mama a.
1. Jéova sè ge ke ne ne noung pou a mo ?
Ne noung pou a mo be taʼ poutchi fe m bi Jéova. É tcheng ge taʼ mbè pou taʼ mdjwi pye wap lômdye a tsu pé ne. Poutchi bô te kwite pô pye wap lômdye a daʼ ne ghe pekhu pe, daʼge ba ne pe daʼte koungne yap. Ya né gre te Ghôm Si pe gôm ge : “ŋwègne pou a mdjwi ye po é tsu lômdye a.” (Mghôm jyenwe 5:18, 19) Jéova tcheng ge mkritè pye wap lômdye a pe dendeng bi dze yap ke djwi yap le, poʼo ge wap ke laʼ gre ghap sôm tyèʼ.—Ké Ébraika 13:4.
2. Ghap be ke ?
Bible gôm bi pe ge “pe ghe ghap . . . te gô sôʼ ko ne nefo Si pe.” (1 Korinto 6:9, 10) Pô pye wap le ve Bible ne ghôm Grikia a, gwim djè ghôm pornéia ne gôm nwe ne ghap. Djè ghôm bô kwôte be : (1) ne paʼ mo noung pou a mouʼ mo te wap pou é dômdye a, * (2) ne paʼ mbè noung pou a mouʼ mbè, ke mdjwi pou a mouʼ mdjwi le, (3) ne paʼ momsoung noung pou a nôm a. Pe boung bi Jéova neng gre mtsupé tchwe ye ‘pe thôm ne tsôkpe ne nwe ghapʼ a.—1 Tésalonika 4:3.
PING TCHENG NE GÔ DZE
Yô tchi paʼ o fing ne khu goung mtchi nwe ghap awè, ba tchi paʼ ne pe dôlô ne ye bô gheng gô ha mtsupé bou a.
3. Khu goung mtchi nwe ghap awè
Yosèp, taʼ mou sem dendeng, le tchente khengne ne noung pou a taʼ mdjwi ye é le bo tcheng ne noung pou a yu a. Ké Ne toʼ 39:1-12, neng gômte ne mhente menge :
-
Ke le tsegne Yosèp ne khu ? —Lé khè 9.
-
O kwè ge Yosèp le le khète pepoung a ? Nweke ?
Po msem fing ne foʼte Yosèp neng khu goung mtchi nwe ghap awè tyôʼô m tchi ge ke ? Yô VIDÉO.
Jéova tcheng ge goung yôkpe awè pe waʼ tse tsye a dé nwe ghap a. Ké 1 Korinto 6:18, neng dou gômte ne mhente menge :
-
Ma mnwe fing ne ghe ge mo tchwe gre ghap ?
-
O fing ne khu goung mtchi nwe ghap awè m tchi ge ke ?
4. O fing ne tchyete vu ne lente
Ke fing ne ghe ge a tuô ne tchyete vu ne lente ne ghe ghap ? Yô VIDÉO, neng gômte ne hente yenge.
-
Tchwe ye fe tchum vidéo ke yô ge mkwègne mye, ba mghetse mye, fing ne ghe ge é ke ping be dendeng bi djwi é a, é ke ghe la ?
A be she mtchum tchuô ba bi mkritè dendeng ne lwôʼ mkwègne dôlô. O fing ne ghe la, te o le tak ge mkwègne ne potse ghap pe a tchum tse o ? Ké Filipo 4:8, neng gômte ne mhente menge :
-
Pe gô sè nwe ne ma tchi potse ?
-
Ne ké Bible ba ne tchente be de tam yôkpe ne faʼ bi Jéova, gô kwite wôkpe m tchi ge ke ne pôm ne vu ne lente mhô ?
5. Mkhète Jéova gre ge pe tsu pé
Jéova be é jye ye ywe ye a be ye pepoung téʼ bi pe a. É daʼte bi pe paʼ pe fing ne ghe mkwègne ba mghetse dôlô a, ba mstupé mye a be ne a. Ké Mghôm jyenwe 7:7-27 ke djô VIDÉO le, neng dou gômte ne mhente menge.
-
Mou mbè yenge le ko pe kwaʼ yu ne taʼ lente m tchi ge ke ?—Lé Mghôm jyenwe 7:8, 9.
-
Paʼ Mghôm jyenwe 7:23, 26 daʼte a, goung mtchi nwe ghap awè fing ne le mgheghô gwye sôʼ ne pe. Pe tchwe pe dôlô tchum mkwègne ba mghetse môkpe ne ne dé nwe ghap, be pe fing ne khu ma mnwe ?
-
Ne pe dôlô tchum mkwègne ba mghetse môkpe fing ne kwite wôkpe ne tchwe mama m tchi ge ke ?
She pô sè ge ywe ye Bible gôm, ne paʼ mbè noung pou a mbè, ke mdjwi pou a mdjwi a le, be mtchoʼ tchuôtuô, a le neng be daʼte ge Si be koungne. Daʼge Jéova, Si koungne bo tcheng ge goung pô awè tchwe mama. Ne ne khouʼgne ne ghe vôk mama bô, a bo tcheng ge pe ying ne mkhète mye. Ké 1 Korinto 6:9-11, neng dou gômte ne hente yenge :
-
Ne paʼ mbè noung pou a mbè, ke mdjwi pou a mdjwi le, be daʼ tchi ne ghe ye Si bô a ?
A tcheng ge goung yôkpe awè, ghe mkwyepgne tchum vôk tsôkpe te ne boung bi Si. Mtsupé be si ne ghe ya a ? Ké Mghôm ghamte 19:8, 11, neng gômte ne mhente menge :
-
O kwè ge mkhète mye Jéova djap a be a tuô téʼ ne ying ne a ? Nweke ?
Jéova be é kwite medou pô ne youʼgne ne mkhète mye. É fing ne kwite ba wou
SHE PÔ GÔM GE : “Ne noung pou a mo be a ka pôk, a tcheng a daʼge wô po é pe khoungne.”
-
O gô ghôm ge ke ?
YE NE KHAMTE
Ne noung pou a mo, be taʼ poutchi ye Jéova ha bi taʼ mbè pou djwi é ge wap pe ŋwègne ne a.
O lagne ke ?
-
Pou gôm nwe ne ghap, a pe ke ?
-
Ke gô kwite wôkpe ne khu goung mtchi nwe ghap awè ?
-
Tchwe ye pe ging ne mkhète Jéova a, pe dzu pé m tchi ge ke ?
YÔ SHE POTSE NE
Yô nweke Si tcheng ge taʼ mbè pou taʼ mdjwi pye wap bo tcheng ne pemte tchwe a, lendze dôm dye a.
“Vivre en couple sans être mariés : Quʼen dit la Bible ?” (Ne jw.org)
Lagne nweke ne paʼ Bible dagne ge mbè te gô noung pou a mbè ke mdjwi pou a mdjwi a le, te thoute ge pô pye wap gre ya a, pe gô pe pô wap pe.
Lagne tchi paʼ mtchoʼ Si ne goung mtchi nwe ghap awè bômte wôkpe a.
“Les relations buccogénitales sont-elles vraiment des relations sexuelles ?” (Ne jw.org)
Tchum tôné, “Ils ont respecté ma dignité”, yô ywe ye a le tsegne taʼ mbè ye é le be noung pou a mbè a, ne kwyepgne ye tchi ne ghe neng boung bi Si a.
“La Bible transforme des vies” (La Tour de Garde, 1er avril 2011)
^ Kwiʼ ne ne noung pou a mo, pornéia bing be ba mghetse paʼ ne lôm mo tchye m ne shwe é, ne lôm mo tchye m ne nyedze é, ba ne tchoʼte ke nwôpgne lôp, ke kôp mouʼ mo le.
