JIʼTE 47

Te o khouʼ ne ghe nouʼshye le ?

YOU’ NE

O tchye m ne you jiʼte Bible dagne medou potse ne Jéova. O neng gre she mkwyepgne ne ne ging ne ywe ye o dagne a. Daʼge, mouʼtchwe taʼ ywe bo kô o ne ha ne o bi Jéova neng gre nouʼshye. Jiʼte yenge gô ghôm nwe ne she mketuʼ, ba tchi paʼ o fing ne loʼ ma te gre nouʼshye a.

1. A tcheng ge o jye goung ywe ye a tchum Bible a te gre nouʼshye a ?

A bo tcheng ge o “jye nwe nyenyô” te gre nouʼshye. (1 Timotio 2:4) A te thoute ge a gô tcheng ge o jye mpaʼ ne goung mhente mye pou fing ne ha bou, a po dé Bible a pe. Ba mkritè pye wap le ghe nouʼshye te tyèʼ a dje dagne potse ne Bible. (Kolosai 1:9, 10) Daʼge a bo tcheng ge o youʼ mdendze potse tsye a tcheng kwaʼ ge mo jye tchum Bible a. Mghetso tchum bemte gô kwite o ne tinte be ye o tchente djouʼ potse bô a.

2. O gô ghe ma potse te ghe nouʼshye ?

O gô ne ghe nouʼshye, be o lendze ‘bue tum tsu . . . neng begne bi Si.ʼ (Ké Mfaʼ 3:19.) A thoute ge o tchente diʼ mhô mye o le ghe a, neng do bi Jéova ge é tchousi o. A thoute ba m ge, o bo tchente khengne ne ghe goung potse tsye Si gôm ge a pôk a, neng de khète ne ghe taʼ tchi ne tchwe ye a gô poung bi Si a. Kwiʼ ne, a tcheng ge o pe bemte faʼ pou a bemte, be gô mtchouʼte neng ji taʼ sing Ghôm Si ye é ka woung gre nouʼshye a.

3. Nweke a te tcheng ge o tak ge pwôk le o a ?

She pô bwôk ge wap te gô khouʼgne ne ying ne kaʼgne ye wap gre bi Jéova a pe. A nyenyô, o gô pe she mtchum hôgne. Ba pebè pou a pedjwi dendeng pye Bible gôm nwe ne pou a le hôgne. Daʼge Jéova te tcheng ge o pe dôlô pe. (Ké Mghôm ghamte 103:13, 14.) É ŋwègne tchwe ye o gre goung ywe ye o fing a ! É gô neng kwite o. Jéova gôm bi pe ge “pe sômywe le hapte wôkpe ne koungne [é].”—Ké Roma 8:38, 39.

PING TCHENG NE GÔ DZE

Yô tchi paʼ o fing ne loʼ goung mketuʼ te gre nouʼshye, tchye m ne ne lagne ne ping tchente jye Jéova ba ne ping ge é kwite o a.

4. Lagne ne ping tchente jye Jéova

A tcheng ge o jye Jéova deng ge ke te gre nouʼshye ? A tcheng ge o jye é deng paʼ a gô ghe ge o koung é, neng tcheng ne ghe ywe ye a boung é a. Yô VIDÉO a laʼte o tchi paʼ pô be jiʼte Bible ne goung demtchaʼ awè gre ya a. Neng dou gômte ne hente yenge.

VIDÉO: Mejye ye a de mo gô ne nouʼshye a (3:56)

She mfemfe nyapte ne yap ne ghe nouʼshye m tchi ge ke ?

Ké Roma 12:2, neng gômte ne mhente menge :

O juʼgne ne ywe ye Bible dagne a, ke ge Mkwithè Jéova jiʼte nyenyô a ?
A pe ge éé, be o fing ne ghe la ?

5. Loʼ mketuʼ te khouʼ ne ghe nouʼshye

Tchwe ye pe de khète ne ha ne yôkpe bi Jéova neng gre nouʼshye a, mketuʼ be si mye pe gô loʼ a. Ne ne djô taʼ foʼte, yô VIDÉO, neng gômte ne mhente menge.

VIDÉO: Lʼamour pour Jéhovah surmonte tous les obstacles (5:22)

Tchum vidéo, a le tcheng ge Narangerel loʼ ma mketuʼ te ne faʼ bi Jéova ?
Koungne é ne Jéova le kwite é ne loʼ mketuʼ bô m tchi ge ke ?

Ké Mghôm jyenwe 29:25 ba 2 Timotio 1:7, neng gômte ne hente yenge :

Ke ha sôktum bi pe ne ne doʼ mketuʼ ?

6. Sè ne Jéova

Jéova gô kwite o ne ghe ywe ye a boung bii a. Yô VIDÉO, neng dou gômte ne mhente menge.

VIDÉO: Jéova gô kwite o (2:50)

Tchum vidéo, ke le bo khô mo ye é ke bo jiʼte Bible a ne ghe nouʼshye ?
É le lagne ke ye a le kwite é ne soumte ye ne yap tum ne Jéova a ?

Ké Izaya 41:10, 13, neng gômte ne hente yenge :

Nweke o fing ne tchente jye ge, o gô ying ne kaʼgne ye o gô ghe, tchwe ye o gô ghe nouʼshye a ?

7. Ghe ge you ma ne ghoʼte koungne Jéova kwiʼi

Tchwe ye o gô kwiʼ tchente sè nwe ne koungne ye Jéova gre bou a, a gô kwiʼ you ne ghoʼte é, neng kwiʼ you ji ne faʼ bii ne mama. Ké Mghôm ghamte 40:5, neng gômte ne hente yenge :

O tchente khoung ma mbyagne fe m bi Jéova ?

Gamdoʼ Jérémi le khoung Jéova ba Ghôm tsye. É le neng be tchente goʼte mkouʼ ye a le be é ghe ne kwa tso Jéova a. É le ghôm ge : “Ghôm tsu ghe ge ŋwègne ba ne sègne lo tchum tum tse, nekele ge kwa tso tsu, O Jéova Si.” (Jérémi 15:16) Ghômte ne mhente menge :