JIʼTE 33
Potse tsye Nefo Si gô ti ghe a
Nefo tsèm po saʼ. A tchuʼ mouywe a ghe mkwyepgne gwye demtchaʼ. Pe naʼ djô she potse pepoung tsye o fing ne pyap ne ti djô tchwe ye Nefo Si gô saʼ demtchaʼ a.
1. Nefo Si gô ti ghe ge hwite ba nwe dendeng pe demtchaʼ m tchi ge ke ?
Yéso, Fo Nefo Si, gô ti simgne pô tchwepoung ba mnefo pômsoung, ne shou Armagédôn. (Apokalipse 16:14, 16) A gô ti pe tchwe o bô, a kaʼgne Bible yenge tchente dogne : “A tchuʼ mouywe, pô tchwepoung le ping be we.” (Mghôm ghamte 37:10) Yéso gô ti tchye m ne Nefo, ghe ge hwite ba nwe dendeng ping be demtchaʼ.—Ké Izaya 11:4.
2. Vôk gô ti pe m ge ke tchwe ye, ywe ye Si tcheng a gô ti pe be a logne ne goung demtchaʼ awè a ?
Tchwe ye Nefo Si gô saʼ a, “demtchaʼ gô sôʼ pe ye pô dendeng, wap neng tchwe dem o mama.” (Mghôm ghamte 37:29) Naʼ kwègne ya ! Goung pô awè demtchaʼ gô ti pe pô pepoung; pô be khoung Jéova, neng be koungne tchetche pou ! Sômmo te gô ti gho pe, a goung pô awè neng tchwe mama.
3. Nefo Si gô ti ghe ke tchwe ye a gô pe be pou simgne pô tchwepoung a ?
Tchwe ye a gô pe be pou simgne pô tchwepoung a, Yéso gô saʼ paʼ fo a ne mgouʼ 1000. Ne tam bô, wap pou a pô 144 000 pye wap gô ti pemte saʼ a, gô ti kwite pô demtchaʼ ne ji pô dôlô. Tchwe ye mgouʼ 1000 bô gô ti mi a, goung demtchaʼ awè gô ti pe taʼ paradisi thwatwa; a goung pômsoung awè neng be ŋwègne ne pe djouʼgne ne mtchoʼ Jéova. Yéso gô neng ti lou paʼ Nefo bi Tap é, Jéova. Jéova gô ti “ghe tso [tsye] pe dôlô”, paʼ a lam fe ji be a. (Matio 6:9, 10) A gô ti pe be pou tchente djô ge Jéova be taʼ Gè saʼ pepoung ye é sè nwe ne pô pye é saʼ wap a. Jéova gô ti neng simgne Sata, mjwégne tchwepoung, ba goung pô pye wap thé duʼ ne Ye ne saʼ a. (Apokalipse 20:7-10) Potse pepoung tsye Nefo Si gô ti ghe a gô ti tchwe mama.
PING TCHENG NE GÔ DZE
Yô nweke pe fing ne tchente bing ge Si gô ti le Nefo é ne logne goung mkaʼgne Bible awè ne mtyèʼdzu dze a.
4. Nefo Si gô ti ghe ge ye ne saʼ pômsoung mi
“Momsoung saʼ momsoung ne ne gre ge é yô goʼ.” (Ékléziaste 8:9) Jéova gô ti le Nefo é ne nyapte goung mnwe mye, ye bô nwe te pe dendeng gre ge a pe si a.
Ké Danièl 2:44 ba 2 Tésalonika 1:6-8, neng gômte ne mhente menge :
-
Jéova pou Mou é Yéso, gô ti ghe la ne mghè saʼ, ba pô pye wap tchu pou ne pou a ?
-
Sôʼ m ne ywe ye o dagne ne Jéova pou Yéso a, nweke o fing ne tchente bing ge ywe ye wap gô sôʼ ghe a gô ti pe dendeng ?
5. Yéso be ye Fo pepoung ye é fing ne pe we a
Paʼ é be Fo Nefo Si a, Yéso gô ti ghe medou potse ne kwite pô pye é gô ti saʼ wap demtchaʼ a. Yô VIDÉO ne ne djô tchi paʼ Yéso le tsèm laʼte ge é bo tcheng ne kwite pô a, ba ge Si ha pawa bi é ne ne gre ya a.
Potse tsye Yéso le ghe demtchaʼ a, le laʼte ywe ye Nefo Si le gô ti ghe a. O bo tchente byap ne yô ma ne mbyagne mye pou bve tsôʼ a ? Ne baya byagne le, ké mkhè Bible mye pou djap beng o a.
|
TCHWE YE É LE BE DEMTCHAʼ A, YÉSO LE . . . |
YÉSO GÔ TI TINGNE M KÈBENG . . . |
|---|---|
|
|
|
|
|
|
|
|
6. Nefo Si gô ti ghe ge mtyèʼdzu dze pe mtyèʼdzu thwatwa
Nefo Si gô ti tchente logne ywe ye Si le ne toʼ, bo tcheng bi pômsoung a. Wap gô ti tchwe mama tchum paradisi demtchaʼ. Yô VIDÉO ne ne djô tchi paʼ Jéova bo tchye m ne Mou é Yéso, faʼ ne ne gre ge ywe ye é bap a logne a.
Ké Mghôm ghamte 145:16, neng gômte ne hente yenge :
-
Ne jye ge Jéova gô ti “logne ji goung potse tsye a ghe vôk a” gre ge o youʼ ne o m tchi ge ke ?
SHE PÔ GÔM GE : “Goung yôkpe awè pemte faʼ a, be pe fing ne nyapte mnwe mye a demtchaʼ a.”
-
Ma mnwe mye mnefo momsoung ka fing ne ghe ge a mi a, Nefo Si gô ti ghe ge a mi ?
YE NE KHAMTE
Nefo Si gô ti logne ywe ye Si tcheng ge a ghe a. A gô ti kwyepgne goung demtchaʼ awè ne ghe taʼ paradisi, ye pô pepoung gô ti tchwe tchum o, neng ghamte Jéova ne mama a.
O lagne ke ?
-
Nefo Si gô ti ghe ge tso Jéova pe dôlô m tchi ge ke ?
-
Nweke pe fing ne ping ge Nefo Si gô ti ghe ge mkaʼgne Bible logne ?
-
O bo tcheng téʼ ne yô ma ne potse pepoung tsye Nefo Si gô ti ne sôʼ a ?
YÔ SHE POTSE NE
Yô ywe ye Armagédôn be ya a.
Yô potse tsye a gô ti po tchyete tchwe ye Yéso gô ti saʼ ne mgouʼ 1000 a, ba mye a gô tchyete tchwe ye é gô ming ne saʼ ne mtam bô a.
“Que se passera-t-il lors du Jour du Jugement ?” (La Tour de Garde, 1er septembre 2012)
Yô tchi paʼ mtoundye fing ne pemte tchente sè nwe ne mbyagne mye Nefo Si gô ti ne sôʼ a.
Tchum tôné yeng, “Jʼétais tourmenté par de nombreuses questions” yô tchi paʼ taʼ mbè ye é le thé duʼ bi gôpnaʼ a, le yô mpaʼ ne mhente mye é le bo tcheng a.
«La Bible transforme des vies» (La Tour de Garde, 1er janvier 2012)
