Sòm 109:1-31
Pou moun k ap dirije mizisyen yo. Yon chante David te ekri. Yon melodi.
109 O Bondye, ou menm m ap louwe a+, pa ret an silans.
2 Paske, mechan an ak moun k ap bay manti a ap pale m mal.Yo sèvi ak lang yo pou yo bay manti sou mwen+.
3 Yo antoure m, y ap di pawòl ki montre yo rayi m,Yo atake m san rezon+.
4 Mwen renmen yo, alòske yo menm yo kont mwen+.Men, mwen kontinye priye.
5 Mwen fè byen pou yo, men yo menm se mal yo fè m+.Mwen renmen yo, men yo menm se rayi yo rayi m+.
6 Mete yon mechan domine sou li,Fè yon opozan* kanpe sou bò dwat li.
7 Lè y ap jije l, se pou yo kondane l*.
Se pou yo konsidere menm priyè l kòm yon peche+.
8 Se pou lavi l kout+.Se pou yon lòt moun pran travay li te genyen kòm siveyan an+.
9 Se pou pitit* li yo vin san papaE se pou madanm li vin vèv.
10 Se pou pitit* li yo mache mande charite.Se pou yo kite vye mazi kote yo rete yo pou y al chèche manje.
11 Se pou moun ki prete l lajan an sezi* tout sa l genyen.Se pou etranje pran tout sa l posede.
12 Pèsonn pa dwe fè anyen ki bon* pou liE pèsonn pa dwe gen pitye pou pitit li mouri kite yo.
13 Se pou yo detwi desandan l yo*+.Se pou yo efase non yo depi nan jenerasyon yo a.
14 Se pou Jewova sonje erè zansèt li yo te fè+E se pou peche manman l te fè pa efase.
15 Se pou Jewova toujou sonje sa yo te fè yoE se pou l fè yo bliye yo sou tè a+.
16 Paske, li pa t janm sonje pou l aji byen ak lòt moun*+,Men li te kontinye ap pousuiv moun y ap toupizi yo+, malere yo ak moun ki nan lapenn yoPou l touye yo+.
17 Li te renmen bay madichon, e se sa k fè madichon te tonbe sou li.Li pa t renmen bay benediksyon, se pou sa li pa t resevwa okenn benediksyon.
18 Yo te kouvri l ak madichon tankou si se yon rad yo te met sou li.Yo te vide madichon sou li tankou si se te dlo.Madichon yo te rantre nan zo l tankou luil.
19 Se pou madichon vlope l tankou yon rad li met sou li+,E tankou yon senti ki toujou nan ren l.
20 Se konsa Jewova pini moun ki opoze avè m nan+,Se konsa l pini moun k ap pale m* mal yo.
21 Men ou menm, o Jewova, Seyè ki Souvren an,Se pou w aji pou mwen akoz non w+.Sove m, paske lanmou fidèl ou genyen an bon+.
22 Paske, mwen san defans, mwen pòv+E kè m ap fann+.
23 M ap pase tankou yon lonbray ki disparèt tikras pa tikras.Yo pouse m ale tankou yon krikèt.
24 Jenou m vin fèb paske mwen pa manje.Mwen mèg e m ap depafini*.
25 Yo pase m nan rizib+.Lè yo wè m, yo souke tèt yo+.
26 Ede m, o Jewova, Bondye m nan.Sove m akoz lanmou fidèl ou genyen an.
27 Se pou yo konnen se ou menm ki sove m ak men w.Se pou yo konnen se ou menm, o Jewova, ki fè sa.
28 Yo mèt lage madichon sou mwen, men ou menm se pou w beni m.Lè yo leve kont mwen, se pou lawont tonbe sou yo.Men, se pou w fè sèvitè w la rejwi.
29 Se pou imilyasyon kouvri moun ki opoze avè m yo,Se pou lawont kouvri yo tankou yon rad*+.
30 M ap sèvi ak bouch mwen pou m fè louwanj pou Jewova ak tout fòs mwen.M ap fè louwanj pou li devan anpil moun+.
31 Paske, l ap kanpe sou bò dwat moun ki pòv yoPou l ka sove yo anba moun ki kondane yo*.
Nòt anba paj
^ Oswa: “yon moun k ap akize l”.
^ Oswa: “se pou yo deklare l mechan”.
^ Lit.: “pitit gason”.
^ Lit.: “pitit gason”.
^ Oswa: “Se pou moun ki eskonte l lajan yo tann pyèj pou”.
^ Oswa: “pa dwe demontre yon lanmou ki fidèl”.
^ Oswa: “pitit li yo”.
^ Oswa: “sonje demontre lanmou fidèl”.
^ Oswa: “pale nanm mwen”.
^ Lit.: “Chè m vin mèg, san grès (luil)”.
^ Oswa: “rad san manch”.
^ Oswa: “ki kondane nanm yo”.