Sòm 63:1-11
Yon chante David te ekri. Li gen rapò ak lè li te nan dezè Jida a+.
63 O Bondye, se ou ki Bondye mwen, se ou mwen kontinye ap chèche+.Vrèmanvre, mwen* swaf ou+.Mwen* fin depafini tèlman m ap tann ou,Mwen nan yon tè sèch kote pa gen dlo+.
2 Se sa k fè mwen gade w nan kote ki sakre a.Mwen wè fòs ou ak glwa w+.
3 Lanmou fidèl ou genyen an pi bon pase lavi+,Se pou sa m ap ba w glwa ak bouch mwen+.
4 M ap fè louwanj pou ou pandan tout vi m,M ap leve men m anlè pou m rele w nan lapriyè.
5 Mwen* satisfè paske m gen pòsyon ki pi bon an, pòsyon ki pi bèl la*,Se sa k fè m ap kontan fè louwanj pou ou ak bouch mwen+.
6 Mwen sonje w pandan m sou kabann mwen,Tout lannuit se sou ou m ap medite+.
7 Paske se ou k ap ede m+,M ap rele byen fò ak kè kontan pandan m anba zèl ou+.
8 Mwen* ret kole avè w,Ou kenbe m fèm ak men dwat ou+.
9 Men, moun k ap chèche detwi lavi m* yoAp gen pou yo desann anba tè.
10 Yo gen pou yo mouri anba kout epe.Y ap tounen manje pou chen sovaj*.
11 Men, wa a ap rejwi pou sa Bondye pral fè pou li.Tout moun ki fè sèman nan non l gen pou yo kontan anpil*,Paske, l ap fèmen bouch moun k ap bay manti yo.
Nòt anba paj
^ Oswa: “Nanm mwen”.
^ Lit.: “Chè m”.
^ Lit.: “kòmsi se te ak grès”.
^ Oswa: “Nanm mwen”.
^ Oswa: “Nanm mwen”.
^ Oswa: “chèche detwi nanm mwen; chèche touye m”.
^ Oswa: “pou rena”.
^ Oswa: “gen pou yo fè lwanj li”.
