Sòm 35:1-28
Yon chante David te ekri.
35 O Jewova, defann kòz mwen, defann mwen kont opozan m yo+.Goumen ak moun k ap goumen avè m yo+.
2 Pran ti boukliye a* ak gwo boukliye a+,Epi kanpe pou w defann mwen+.
3 Rale lans ou ak rach pou w goumen an* sou moun k ap kouri dèyè m yo+.Se pou w di m*: “Se mwen k ap sove w+.”
4 Se pou lawont tonbe sou moun ki dèyè m* yo e se pou w avili yo+.Se pou moun k ap fè konplo pou yo touye m yo fè bak e se pou yo jwenn dezonè.
5 Se pou yo vin tankou pay van bwote ale,Se pou zanj Jewova a kouri dèyè yo+.
6 Se pou fènwa kouvri wout yo sou li a e se pou wout sa a vin glise anba pye yoPandan zanj Jewova a ap pousuiv yo.
7 Paske, yo tann yon filè pou mwen san rezon pou yo pran m nan pyèj.Yo fouye yon twou pou mwen* san rezon pou yo fè m tonbe ladan l.
8 Se pou malè tonbe sou yo bridsoukou,Se pou yo tonbe nan filè yo tann pou mwen an,Se pou yo tonbe ladan l e se pou yo jwenn destriksyon yo+.
9 Men mwen menm, m* ap rejwi pou sa Jewova fè pou mwen,M ap kontan poutèt li sove m.
10 Ak tout kè m, m ap di:“O Jewova, kiyès ki tankou w?Ou delivre moun ki pa gen moun ki pou ede yo anba men moun ki gen plis fòs pase yo+,Ou delivre moun ki pa gen moun ki pou ede yo ak pòv yo anba men moun k ap vòlè afè yo+.”
11 Gen yon bann temwen malveyan ki vini+E k ap poze m kesyon sou bagay mwen pa konn anyen sou yo.
12 Lè m fè byen pou yo, yo menm yo fè m sa ki mal+E yo lage m* nan lapenn.
13 Men, lè yo te malad, mwen te abiye ak twal sak.Mwen* te ret san manje.Lè priyè m yo te rete san repons*,
14 Mwen te mache tout kote nan lapenn, tankou si se te pou yon zanmi m oswa pou yon frè m,Mwen te bese byen ba byen tris tankou yon moun ki nan lapenn akoz manman l ki mouri.
15 Men, lè m te bite, yo te kontan e yo te rasanble ansanm.Yo te met tèt yo ansanm pou yo kache tann mwen pou yo frape m.Yo pa t sispann joure m.
16 Moun ki pa gen respè pou Bondye yo ap fawouche m*E y ap manje dan+.
17 O Jewova, jis ki lè w ap kontinye gade san w pa fè anyen+?Delivre m* anba atak y ap fè sou mwen yo+,Sove lavi m ki gen anpil valè* anba men jenn lyon* sa yo+.
18 Lè sa a, m a remèsye w nan gwo kongregasyon an+,M a louwe w nan mitan gwo foul moun yo.
19 Pa kite moun ki ènmi m san rezon yo pran plezi sou mwen,Pa kite moun ki rayi m san rezon yo fè siy sou mwen+ pou yo pase m nan rizib+.
20 Paske, pawòl yo se pa pawòl lapè.Yo monte tout vye plan kont moun k ap viv anpè nan peyi a+.
21 Yo ouvri bouch yo byen laj pou yo akize m,Yo di: “Enhen! Nou wè sa n t ap tann nan ak je nou.”
22 Ou wè sa k rive a, o Jewova. Pa ret an silans+.O Jewova, pa rete lwen m+.
23 Leve kanpe pou w defann mwen,O Jewova, Bondye m nan, defann kòz mwen.
24 Fè m jwenn jistis+, o Jewova, Bondye m nan, paske ou gen jistis lakay ou.Pa kite yo fè fèt sou tèt mwen.
25 Pa kite yo di tèt yo: “Enhen, nou jwenn sa n te vle a*!”Pa kite yo janm di: “Nou fini ak misye+.”
26 Se pou yo tout wont, se pou yo tonbe nan dezonè,Tout moun ki kontan akoz malè ki frape m nan.Se pou tout moun k ap rejwi sou tèt mwen yo vin wont, se pou yo santi yo imilye.
27 Men, se pou moun ki kontan wè jan m ap mache dwat yo rele byen fò ak kè kontan,Se pou yo di san rete:“Glwa pou Jewova, li menm ki kontan lè sèvitè l anpè+.”
28 Lè sa a, lang mwen ap fè konnen* jistis ou+,E l ap louwe w tout lajounen+.
Nòt anba paj
^ Jeneralman, se moun k ap tire flèch yo ki te konn pote yo.
^ Oswa: “rach ki gen de bò a”.
^ Oswa: “di nanm mwen”.
^ Oswa: “dèyè nanm mwen”.
^ Oswa: “pou nanm mwen”.
^ Oswa: “Men, nanm mwen”.
^ Oswa: “lage nanm mwen”.
^ Oswa: “Nanm mwen”.
^ Oswa: “te tounen sou lestomak mwen”.
^ Se kapab tou: “ap bay fawouch pou gato”.
^ Oswa: “Delivre nanm mwen”.
^ Lit.: “Sèl sa m genyen an”, anpalan de nanm li oswa lavi l.
^ Oswa: “jenn lyon ki gen krinyè”.
^ Oswa: “Enhen, se sa nanm nou te vle”.
^ Oswa: “ap medite sou”.
