Sòm 16:1-11
Yon miktam* David te ekri.
16 O Bondye, pwoteje m, paske se bò kote w mwen pran refij+.
2 Mwen di Jewova: “Jewova, se ou ki sous tout bon bagay mwen genyen,
3 E moun ki sen ki sou tè a,Wi, moun ki gen glwa yo, fè m gen gwo kè kontan+.”
4 Se pa de pwoblèm moun ki kontinye ap sèvi lòt dye yo genyen+.Mwen pa gendwa janm vide san kòm ofrann pou lòt dyeE mwen pa gendwa janm site non yo ak bouch mwen+.
5 Jewova se pòsyon pa m, li se pòsyon yo met apa pou mwen an+, e se li menm ki plen gode m+.Bondye mwen, se ou menm ki pwoteje eritaj mwen.
6 Kote w mezire pou w ban mwen an fè m plezi anpil.Wi, mwen kontan ak eritaj mwen jwenn nan+.
7 M ap fè louwanj pou Jewova, paske li ban m konsèy+.Menm nan nuit, panse* m yo korije m+.
8 Mwen gen Jewova devan je m toutan+.Piske li sou bò dwat mwen, mwen pap janm brannen*+.
9 Se poutèt sa, kè m kontan. Se tout mwen menm ki* kontan.E m* ap abite an sekirite.
10 Paske, ou pap kite m* nan Tonm*+,Ou pap kite sèvitè fidèl ou a rete nan* twou a*+.
11 Ou fè m konnen chemen ki mennen nan lavi a+.Depi w la*, gen anpil lajwa+,Wi, bò kote w, se lajwa* pou toutan.
Nòt anba paj
^ Gade Lis mo yo esplike yo.
^ Oswa: “santiman ki pi pwofon”. Lit.: “ren”.
^ Oswa: “kilbite”.
^ Lit.: “Glwa m”.
^ Lit.: “chè mwen”.
^ Oswa: “pap abandone nanm mwen”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Lit.: “sèvitè fidèl ou a wè”.
^ Se kapab tou: “Ou pap kite kò sèvitè fidèl ou a dekonpoze”.
^ Lit.: “Devan fas ou”.
^ Oswa: “plezi”.
